避孕藥副作用

你好,我食咗兩個月左右嘅事前藥(yaz),啱啱第一個月嘅時候有啲流啡,不過漸漸都冇咗,但係食咗第二個月嘅時候,有時會有少少下腹痛,有少少似以前經期前幾日會有少少經痛嘅感覺,不過唔係太痛,都唔算好困擾,純粹係想知道呢個係唔係正常食避孕藥嘅副作用?

感謝解答~

你好~

食事前避孕藥嘅常見副作用包括:不規則陰道出血(流啡)、頭痛、嘔心、乳房腫脹、情緒起伏等,呢啲副作用通常唔會太嚴重,一般嚟講會喺服藥後嘅半年內消失~

所以你呢個唔係常見嘅副作用嚟嘅,但亦有可能真係經期前嘅經痛嚟,因為如果你本身係不嬲都會經痛嘅話,事前藥可以令經痛嘅痛楚程度減低,但唔一定會完全消失~

但如果你完全唔係就嚟嚟M,反而係喺月經周期嘅中間日子,就有可能係排卵痛喇~ 呢樣嘢唔係每個人都會有嘅情況,但都唔係代表身體有問題~ 如果真係排卵痛,應該會隨住你食耐啲事前藥而消失,因為事前藥會抑制排卵,而冇排卵嘅話就唔會有排卵痛喇~

不過最緊要都係相信自己嘅身體嘅感覺,如果呢個情況持續甚至加劇,就記得儘快求醫喇!

想問食咗避孕藥唔係就唔會排卵咩?如果係咁點解會有排卵痛?會唔會係避孕藥無效:cold_sweat::cold_sweat::cold_sweat:

定係會唔會因為係自慰引起嘅?自己大概幾日會自慰一次,有時興奮完都會有少少痛,所以唔太清楚具體原因係咩?

多謝解答:pray:t2::pray:t2::pray:t2:

@RChannn 係啊,避孕藥係會抑制排卵。想問問你嘅自慰痛持續左幾耐,可唔可以形容下係點痛法?係係邊個位置左右?排卵痛應該靜係係排卵期先會出現,你自慰痛嘅頻率係點?有時可能會好難區分排卵痛同埋其他類型嘅疼痛。如果你唔肯定嗰個係咪真係排卵痛,建議睇醫生去問返醫生嘅意見,做個詳細嘅檢查去確定返痛嘅位置。

係子宮嗰個位 好似平時月經前會隱隱作痛嘅感覺 但又冇經痛咁嚴重
自慰都係2-3日一次,都係非插入嘅,純粹係摸下咁

如果唔係排卵期作痛嘅日子都出現你所講嗰種自慰嘅隱隱作痛,而且呢個情況都已經出現咗好耐嘅話,都有機會係身體出現其他嘅問題,所以如果你擔心嘅話都建議你諮詢醫生嘅:sneezing_face: