Yaz事前藥

Hello是咁的
女朋友食左yaz 24+4 11個月
係1月12號漏食一粒
並係漏食後第15個鐘補食返
然後再服用當個日粒
到23號最後一粒無藥性既時候黎m
但只係出現好少既血
24號出現左黑色既經血
25號開始就冇乜血
同埋多左透明同濕既分泌物
上網睇到係解宮寒同月經不順既意思
但我唔敢肯定
所以想黎問一問:pray:t2::pray:t2::pray:t2:
萬分感激

Hello, @Tripntrip 我就咁睇似係食左避孕丸之後嘅撤退性出血 (即係無排卵下嘅子宮內膜脫落),未必係月經不順。當經血喺體內未即刻排出嘅時候就會變黑,有好多因素會影響,例如久坐。如果係嚟m嘅時候無其他不適,例如m痛,咁應該唔算係大問題,但如果你哋都係擔心嘅話可以去諮詢醫生,或者中醫嘅意見。

Hello,由於24號冇乜血既原因再加上係1月15左右有性行為
,係28號早上用左萬寧既驗孕棒check,結果係negative
咁我都相信你地既驗孕棒既結果,相信可能係因為係15個鐘後補食返所做成既副作用,
即係你地所講既(食左避孕丸之後嘅撤退性出血 (即係無排卵下嘅日子宮內膜脫落))。

唔知係咪因為女朋友食左咁耐Yaz事前藥,一直都未有試過流咁少血,所以都仲係好擔心。然後到2月9個陣,唔知係咪因為每日都好夜訓同有食下宵夜,再加上本身脾胃唔好。2月11開始胃痛同脹氣,成日都有胃氣,嗝,同埋上腹會有頂住頂住想嘔又嘔唔出既feeling。2月17晚仲有胃痛到醒既事出現。上網睇到話懷孕早期會有以上所講既症狀,所以想問下其實有冇可能會真係意外懷孕呢?

仲有想問,由於女朋友已經食左yaz隻藥近1年,想知道1月個陣係漏食後15個鐘補食返,再係本身要食既時間再食返,咁其實藥效會降低嗎?2月雖然係食齊加冇漏食,同埋我見其他post有話食左咁耐藥漏食一次係好少機會懷孕,想知係真定假呢?唔好意思咁多問題問,因為真係好擔心。謝謝

Hello @Tripntrip , 係性行為後11日進行驗孕既結果其實已經好準確,如果結果係negative,咁其實係唔需要擔心。 “漏食後15個鐘補食返,再係本身要食既時間再食返”,而你又食左一段時間,咁樣其實唔會太影響到藥效。

Yaz事前藥的確係會慢慢令到出血量變細,呢個係正常既情況黎。但如果仲有其他擔憂,都建議去問下醫生意見。另外,腸胃不適既原因有好多,都唔一定係懷孕獨有既症狀。