擔心有bb,求解答

前兩日同女友進行性行為,有幾個問題想問:pray:t2:

  1. 過程中有戴套,係陰莖全勃下插左幾下,但未入曬,無射到,掹返出嚟軟左就係陰道口磨擦,會唔會有bb?

  2. 之後用返同一個套再嘗試入,因未完全勃起,所以不成功,最後都係陰道口磨擦,無射到,會唔會有bb?

P.S.雖然無射,但事後我都有用水灌入套到check有無穿,check左無穿

P.S.2. 女友生理期唔準,30-45日都有,而程式表示前兩日係排卵期Period

你好呀:wave:t4:好欣賞你地都有安全性行為嘅意識呀:laughing:不過我想了解多少少,你係第1項個到所寫「掹返出嚟軟左就係陰道口磨擦」。呢句嘅意思係當時磨擦仲有無隔住個安全套呢?

如果你全程性行為期間,包括係陰道口磨擦嘅時候都有使用安全套就唔洗太擔心,只要無高風險體液交換,意外懷孕嘅風險相對嚟講都好低。

月經方面,正如你咁講月經周期都頗長,所以你都可以再觀察多幾日。如果都仲係未有月經而又好擔心,你都可以考慮用驗孕棒驗孕。不過就而家情況聽落,如果都有全程使用安全套,咁都唔使太擔心。

掹返出黎後依然戴住套,只係軟左咁繼續陰道口磨擦,全程都有用套的

Hello, 「掹返出黎後依然戴住套」代表隔絕左同陰道嘅直接接觸,所以懷孕嘅風險係好低嘅,唔使擔心。