冇割過包皮,但又唔知需唔需要割

冇性經驗,唔知可以問邊個,問屋企人又覺得尷尬
可唔可以放條link 喺度幫手睇睇?

多謝你係po相之前都有先問過:ok_man:t3:雖然都知道你好擔心同好心急想知道可以點做。不過始終私人部位嘅照片,我地都唔建議你公開發佈。同時為保障你嘅私隱,亦都唔好係討論區留下你嘅私人照片了!如果你都係想send相,可以WhatsApp/ Signal我地 ( 電話:6077 3941):pray:t2:

不過關於割包皮問題,最容易嘅自我檢查方法,就係你可以自己慢慢用手向後翻開包皮。如果你係岩岩發育,從未試過自己翻開包皮,咁你可以趁沖涼嘅時候,順住水流慢慢咁用手翻開;不過因為第一次,有機會未必咁順利,仲會有少少痛,咁你可以試多幾日。如果你發現都係完全唔能夠翻開,或者會覺得異常地痛,咁就有機會要諮詢醫生意見下,睇下需唔需要進行割包皮手術。

其實割包皮手術並唔係一個必須嘅手術,需要視乎包皮可唔可以順利翻開而決定。其實如果你真係覺得有困擾(唔舒服)或者完全唔能夠翻開,甚至影響你勃起同發生性行為,咁就要向醫生查詢了。