當時我女朋友瞓喺度我攞條賓周側邊去磨擦佢陰蒂好肯定冇接觸到陰道口，嗰陣時龜頭好乾加上包皮包住咗龜頭少少，成個過程五至10秒，想問一下會唔會有機會
你好，唔使咁擔心的，你地今次既風險係非常低。雖然任何形式既性行為，只要有性器官直接接觸，而又無使用安全措施都係有風險既，但今次無性器官插入式接觸嘅話，咁懷孕嘅機率係好細嘅。雖然男性喺性行為時因為性興奮而有機會分泌出透明黏稠狀嘅液體，當中都存在精子，但因為你們沒有發生插入式性行為，加上精子暴露係空氣裏面幾分鐘就會死亡，當接觸到皮膚或者纖維嘅表面就會加速衰亡，咁懷孕風險非常微。
如果真係擔心嘅話，可以考慮驗孕，喺性行為11日後驗孕 。一般受精卵著床需要6-9日，所以性行為7日後驗孕已經可以有初步結果。而性行為11日後驗孕，就會比較準確同埋可靠，到時就更加放心。
想問一下佢到而家都未嚟，但係已經check咗一次電子驗孕棒係陰性係咪100%準確？
Halo
想了解清楚多少少，你指佢仲未嚟月經，係講緊呢3個月都未有嚟定只係今個月未有月經？同埋用驗孕棒嘅日子係幾時？
因為如果係3個月都未有月經，而驗孕又係3個月前做嘅
咁我都建議女朋友可以再驗多次孕。同如果3個月都未有月經嘅，無論驗孕結果係點，我都建議盡快去睇醫生，睇下會唔會係有其他情況會比較好。
而如果你女朋友呢3個月內都曾經有嚟過月經嘅，咁基本上都同你上面所講嘅性行為無關了。反而就要睇下你地中間仲有無試過係無做避孕措施（如安全套或避孕藥）下發生性行為了～如果有，而你都擔心會有意外懷孕嘅，咁你地都可以考慮係最近個次性行為/擔心嘅性接觸後7-11日做一次驗孕～
驗孕棒嘅原理係透過檢測尿液中嘅hCG (人絨毛膜促性腺激素)含量，而判斷有無懷孕嘅情況。因為hCG會係受精卵著床後開始大量分泌，所以係性行為後7日使用驗孕棒已經會有初步嘅結果，而係11日後再做嘅結果就會更加準確。所以基本上，係正確並跟足指示嘅情況下使用驗孕棒所得嘅結果都相當準確嘅。而如果都仲有擔心，就可以考慮用多枝唔同品牌嘅孕檢棒做多次驗證。
最後，其實月經遲嚟或者未到都可能有好多原因，例如生活習慣改變、壓力等。所以都要要睇返你女朋友平時嘅情況，先知道個情況係點。但如果係已經多於3個月都未有月經，就建議最好都係睇一睇醫生做驗查會比較恰當
我記得驗孕嘅時候係佢冇嚟嘅56日驗嘅同埋係電子驗孕棒結果會唔會更加準確？因為出錯嘅機會係咪好低？到而家已經冇發生過任何性行為但係過咗好耐都係未嚟
Hello, 你提及嘅驗孕行動如果係性行為11日後或者預計經期嘅日子驗孕結果係好準確。而且你嘅伴侶使用電子驗孕棒，係會直接顯示結果係懷孕或沒有懷孕，結果清晰，同埋敏感度同準確度比驗孕棒較高。另外，有跟返電子驗孕棒說明書上面所講嘅方法驗孕結果會好準確。
正如我地同事上文所講，月經遲嚟或者未到都可能有好多因素影響，例如荷爾蒙水平、生活習慣改變、心理壓力大、生病服食過藥物、長期處於擔心嘅狀態、壓力等。如果係無懷孕嘅情況下，有3個月月經未嚟，建議盡早睇醫生同檢查。
我想問驗孕棒浸耐咗，但係顯示咗個結果出嚟會唔會係錯誤嘅？
但係佢係電子驗孕棒浸咗廿幾30秒已經有結果出嚟
係咪一定要好準確？
Hello~如果浸耐咗個結果係不受影響嘅，反而浸短過產品說明書指示嘅時間就有機會受影響，因為樣本含量未收集夠。
不過只要你係喺性行為後11日或打後日子驗，結果都係非常準確嘅
正如上面同事所講，驗孕棒嘅原理係檢測尿液中嘅hCG含量，女性喺懷孕之後身體嘅hCG水平就會快速上升，所以只要跟足包裝指示+夠11日後檢測就好準確。