想了解下事前

你好呀,因為唔想成日同女朋友性交都提心吊膽,女朋友話想試吓食,但係我又好驚事前藥會唔知對佢身體有冇影響,唔敢比佢食,所以想係度了解下事前藥嘅好壞,麻煩晒admin​:pray:t2:

你好,想首先想講如果係第一次服用避孕藥的話,一般都會建議服用避孕藥之前,必須諮詢醫生嘅意見,等醫生評估你嘅體質/生活習慣,係咪適合服用避孕藥,或者適合服用邊一個牌子/款式嘅避孕藥。因為每個牌子/款式嘅避孕藥內含有嘅荷爾蒙類型同埋劑量都會有唔同 ,有機會某部分避孕藥唔適合體質,係有機會引致嚴重嘅副作用。避孕藥亦並非每個人都適合服用 ,一般常見唔適合食藥嘅情況,例如:有心血管疾病、不規律陰道出血、體重過高等,所以最好既做法係服食第一盒避孕藥前,先諮詢醫生,開始服食後如無咩副作用,往後才自行買藥。
另外,由於避孕藥在服用後需要時間在身體發揮功效,所以如果係喺月經第一至五日開始服藥,喺服藥之後嘅第一個星期發生性行為就需要額外使用其他避孕方法,例如安全套。
而如果喺月經第五天之後先開始服藥,就建議服藥頭14日都需要額外使用其他避孕方法,等藥效建立後,先考慮唔再使用額外避孕。

咁如果食完事前五至七日後就算內射都唔會有事?

hello你好啊
依個要睇另一半喺幾時開始食嘅,如果另一半喺月經頭5日內開始食藥,咁食完第一星期後,身體就開始有藥效咖喇。
如果另一半喺月經第五天之後先開始服藥,咁就需要食足14日後,身體先開始有藥效嘅~