驚前列腺液入到陰道

如工作人員見到請盡快回覆,在線等!
今日跟月經週期係排卵期,第14日。同男朋友有性行為,期間有換安全套,但換嘅時候冇射精,我幫佢除嘅時候摸到安全套裏面有少量前列腺液。除咗安全套後,載咗個新嘅,擔心佢喺載安全套嘅時候,唔小心將龜頭的前列腺液整咗空全套嘅表面,從而進入體內,擔心會唔會有機會懷孕。請問呢個時候建唔建議去家計會食事後?謝謝你

希望工作人員見到可以回覆 謝謝:pray:t2:

你好:)

如果含有精子嘅尿道球腺液有沾上安全套表面,再進入咗體內,係有懷孕嘅風險嘅,因為即使尿道球腺液含有嘅精子含量較低,但要懷孕嘅話就只需要一條精子,所以都唔會話風險較低~

但係如果有以正確方式佩戴安全套,係唔會令陰莖嘅分泌物沾上安全套表面嘅,所以如果知道男友佩戴安全套時,手有冇直接接觸過龜頭部分,就可以大概判斷到有冇機會沾上。仲有另一個情況就係如果喺佩戴過程中發現掉轉咗正反面,然後直接將同一個安全套反轉戴返啱就算,就會令分泌物沾上安全套表面,咁懷孕嘅風險就會顯著增加喇。

由於唔知道詳情,都難以講到有冇明顯風險,所以如果擔心嘅話,可以喺性行為後72~120小時內去家計會使用緊急避孕服務,同醫生詳細講返當日情況,睇吓醫生會唔會都建議服用事後丸。有關事後丸嘅詳情,可以睇睇以下家計會嘅網站:

希望以上回覆幫到你:)