會懷孕嗎?著床出血嗎?

Hello, 麻煩你為我解答,很擔心呀!

今次來的月經是只有兩天,與平時一樣準時,但是血量今次只濕透兩片夜用M巾,全部血紅色,平時頭的兩天是血崩一樣的,會維持四天,月經前四天有無套入了數下,沒有射精,所以擔心這會不會是著床出血,而不是月經?

剛剛跟足說明書驗孕,是negative…

不過上個月就病了一個月,有keep住服西藥,所以都怕萬一懷孕會影響胎兒…沒有準備懷孕…

謝謝你們!

Hello @Mr.Queen , 懷孕出血或者叫着床出血,係指當受精卵着床喺子宮壁嘅時候有機會造成嘅少量出血,通常只會有幾滴或者最多一塊護墊可以承載到嘅血量,而且係一次性,唔會持續地出血幾日,血嘅顏色亦會同月經嘅唔一樣。一般由受精到着床大概係性行為後6至9日就會發生。而着床性出血並唔係一個常見嘅現象,即使真係因為懷孕都係只有少部分女性會出現嘅情況。

所以就咁睇,你之前嘅出血應該只係月經。本身食西藥都有可能會影響到經期,可以唔駛咁擔心先。如果真係想再驗多次,你可以係性行為後11日再驗,咁就會有準確既結果。