會懷孕嗎?

琴日俾男朋友磨擦,佢有喺大腿磨咗一陣先對陰道口磨擦,佢有分泌前列線液,我下面都好濕。見到自己護墊上面有少少青色嘅分泌物,加上前日有自慰,唔確定自己是否排卵期,但今日已經冇晒分泌物。磨擦咗5至6下,之後有用紙巾抹走,但唔確定係咪抹乾淨晒所有,擔心自己懷孕。今日有啲想嘔,胃一直漲漲地,而且屙左好多次尿,但唔係飲咗好多水,子宮亦有少少痛,還有少少腰痛。未食事後藥。想問吓有咗嘅機會大唔大?一月冇嚟M,已經遲咗好多,都有可能因為最近大壓力。但怕自己已經有咗,食事後藥會有影響。謝謝

冇插入的

Hello @Amyyeung , 其實無發生插入式性行為,懷孕既風險已經唔高。就算唔小心掂到精液,精子係空氣中既存活時間大概都係得幾分鐘既時間,如果接觸到唔同溫度或者其他物質會加快死亡速度。 所以好難會懷孕。而且就算懷孕,身體都唔會咁快就有反應,反而係你講到子宮有少少痛,你可唔可以講多啲詳情,係幾時開始痛?個痛楚係點?

Hello,個痛楚大概好似係嚟M咁。同埋當日見到有兩點啡色嘅血點喺護墊上,所以自己都好擔心。可能係自己心理作用:pray:t2::pray:t2:身邊嘅朋友都叫自己唔好擔心,但自己係覺得唯有等嚟M先可以放心到。

痛楚係發生件事之後出現嘅。

正常嚟講,如果你無進行到插入式性行為,咁你所講嘅痛楚都應該唔會係由性行為而致:thinking:反而聽你咁講,呢個情況會唔會都同你平時月經前嘅一啲生理情況有啲似?同埋你本身有無食開事前嘅避孕藥呢?

如果你本身都就快/應該呢排會嚟月事嘅,你可以先睇多幾日情況先~ 如果都仲係無好轉/或者呢幾日覺得異常地咁痛嘅,咁可能你要去睇醫生會比較合適。所以你可以觀察多幾日再做決定~

不過有時唔同嘅生活習慣同心理狀態都會好影響月經嘅周期,所以呢幾日都可以放鬆下心情,唔洗太緊張先 :pleading_face:

我終於嚟咗M啦,但係朝早起身係見到深啡色嘅血,同埋平時自己都算嚟M會有好多血嗰啲人,但係今次只係好少血咁,擔心會唔會係著床出血?但係自己去廁所嘅時候,啲血係鮮紅色嘅,而且琴日用驗孕棒check咗一次,結果係一條線,即係冇事。見到自己流啡色嘅血,又好擔心係咪著床。但係其實係咪唔使擔心咁多?

著床出血一般嚟講都係只得好少好少嘅點狀出血,亦都只會係出血一兩日,而且就好似上面同事所講,如果你哋真係冇進行到插入式性行為,係唔需要擔心會懷孕。

而驗孕棒要喺性行為發生之後最少7日先至會有初步結果,11日之後先會有準確結果,所以如果真係擔心嘅話,都可以等過多幾日之後先驗。不過如果你已經嚟咗M嘅話,都代表你嚟M之前發生嘅性行為並冇導致懷孕,某程度上都可以排除咗驗孕都得。

你講嘅情況都有機會係啱啱開始嚟M而出現嘅,唔使太擔心呀。如果真係發覺情況有異常,例如身體真係好唔舒服嘅話,就可能要睇醫生了解返係咩情況啦。

希望幫到你。