黎m週期越黎越早

近呢幾個月(大概8月)唔知點解黎m時間越黎越早,每次早預計黎m日子幾日左右,後期就早左成個禮拜,上年八月仲要同一個月黎兩次⋯
係咪有咩病?去到上年暑假已經冇發生任何性行為,淨係知上年5月食過事後,有啲擔心⋯
thanks​:pray:t3:

黎m開始日期(每次黎5-6日):
23年6月:1號
7月:3號
8月:4號,26號
9月:23號
10月:21號
11月:15號
12月:14號

24年1月:12號
2月:5號

Hello​:ok_woman:t2:首先好欣賞你留意到自己月經周期嘅轉變,都明白你好擔心你月經越嚟越早嚟呢個情況。主要有兩個原因導致,第一,月經周期本身就有好多因素影響,例如情緒壓力,生活作息,荷爾蒙水平,有冇服食藥物等等。除咗你話五月食過一次事後藥之外,你其他時間有冇食過其他藥物?或者有冇發現自己嘅情緒同生活作息有轉變?如果有嘅話,咁就好大機會導致月經周期變短。但呢一種情況屬於正常,大部份女性嚟月經幾日子都唔會每個月一樣,所以唔需要太擔心,如果一個月嚟兩次月經呢個情況係持續出現嘅話,就真係需要去睇醫生。

第二,可能係因為卵巢功能異常,或者係唔正常嘅非月經出血等病理原因,好似上面所講,如果一個月嚟兩次月經嘅情況係持續出現,又伴隨着下腹疼痛,咁就需要去睇醫生,又或者如果你真係擔心嘅話都可以諮詢醫生嘅意見。

我有食開甲亢藥:eyes:上年1月開始食私家醫院既藥,去到7月轉左食公立醫院既藥
早排因為大學gpa而有壓力,不過應該影響唔大?
一個月內黎兩次好似得8月先有,8月頭and8月尾,之後都係一個月一次,不過呢半年多啲由月尾提早到月中,然後月中提早到依家月頭咁樣,期間都冇下腹/下體痛,只係排卵期期間特別多分泌物,開頭摸到似普通分泌物,過左一段時間質地似漿糊,係咪時間耐左會咁?

同埋上年12月中甲流,食左特敏福同埋氣管藥,唔知關唔關事:speak_no_evil:

Hello, 正如我地同事所講月經周期會受到各種因素影響,你提到有學業壓力、生病、服用藥物呢啲情況都會令荷爾蒙水平產生變化從而影響月經周期轉變,係身體嘅正常反應。

而排卵期嘅分泌物會呈透明偏奶白色,帶有黏性,好似蛋白嘅狀態,冇異味,就唔使過於擔心。如果分泌物嘅顏色係黃色、綠色、帶血,而且量變多,並且出現異味同埋痕癢,咁樣有可能係性器官發炎,或者係其他性器官疾病嘅感染。

現時嘅情況除左月經早咗到之外,月經周期相對穩定,下腹無痛,分泌物正常,唔需要太擔心,可以繼續保持留意月經周期嘅轉變。如果仍然擔心都可以諮詢醫生嘅意見。