自慰 vs 做愛

近期發現我自慰的時間可以控制到好耐,但係當同女友做愛嘅時候,插入後抽插1分鐘都無就會射……究竟係咩原因?

Halo​:see_no_evil:其實自慰同發生插入式性行為時嘅體力/時長/狀態會有唔同係一件好正常嘅事嚟,因為性行為時有好多因素會影響。特別係你個日嘅心理或生理狀態,例如會唔會本身個日已經好攰、或者因為想表現得持久啲反而仲緊張咗等等。另外,因為有啲人如果本身都會經常自慰嘅,咁其實都可能會因此係自慰時更加了解自己嘅身體同感官,而識得邊個位置或者節奏會適合自己,而表現出好似你所講「控制到自慰時間」。但始終去到性行為時,就唔再係一個人嘅事了,所以其實好難直接比較兩者嘅時間同表現,除咗無可比性之下,更加係令自己仲大壓力! :smiling_face_with_tear:

所以,如果想令自己性行為時間想再長啲,其實放鬆心情、唔好咁緊張,同埋係個體力充沛啲、無咁攰嘅時候發生性行為都好緊要。但如果你都仲係好想知有無咩方法係可以「延長性行為嘅時間」嘅,咁你都可以考慮用啲物理式嘅方法去降低自己嘅敏感度。例如係用一啲標榜可以以增加持久度嘅condom。多數都可以令你敏感度降低,從而係延遲射精嘅時間~

不過其實性行為唔止高潮同射精個一刻:ok_man:t3:前戲、情感交流同埋兩個人之間嘅情趣都好緊要~最緊要係你同你另一半都好好溝通同enjoy整個過程 :heart_hands:

1個讚