是否有性病

平時性行為都有帶套 但而家陰道痕咗同有渣狀分泌物兩個禮拜 今日仲發現陰部有少少肉粒?同嘴有紅斑 呢排扁桃線發炎有食抗生素 中途有月經
會唔會導致呢啲情況 定係性病特徵?
圖一係陰部情況圖二係嘴


係好似成個陰唇都有粒粒:smiling_face_with_tear:


仲有啲咁嘅分泌物

我三十號嚟月經 月經前食咗六日抗生素 月經期間扁桃線又發作又食咗三日

Hello 我哋就咁都好難判斷到係咩情況,所以都會建議你睇返醫生問清楚。不過下邊都可以講少少資料,你都可以留意吓自己有冇以下嘅情況。

首先,性病主要嘅傳播途徑透過體液,例如精液、腸液、尿道球腺分泌(Pre-cum)、陰道分泌、血液,接觸過身體比較薄嘅黏膜組織,例如肛門、口腔、陰道,或者傷口就有機會傳播到病毒。

如果平時發生性行為嘅時候,整個性行為過程都一直有用安全套,包括接觸性器官,或者口交等等嘅時候都有嘅話,就未必係同性病有關。你都可以回想吓自己係咪每次性行為都係咁。

另外,一般性病都可能會有痕癢或者灼痛嘅感覺,或者黃綠色嘅分泌物。如果係感染到例如椰菜花咁樣樣嘅性病,佢嘅病徵嘅肉粒都係會一束束咁嘅。你都可以留意吓自己身體嘅情況係咪咁。

最後,我哋就咁睇圖都好難判斷到係咩情況,而且圖片其實都唔係咁清楚,另外如果係牽涉到比較私密嘅圖片嘅話,其實都唔係咁適合放上嚟。到底會唔會係因為藥物有影響,我哋都好難答得到,都會建議你問返醫生會比較好。

希望幫到你。