由YASMIN 想轉食YAZ 需要停藥底注意什麼?

之前食了5年YASMIN 覺得幾好, 於是一直食, 但聽說YAZ 是低劑量, 想轉, 但唔知是否可以無逢轉藥? 需要做返其他體外避孕嗎?
另, YASMIN & YAX 其實那一隻適合高齡婦女食?

Hello 如果想轉藥嘅話,只要按照正常情況,食完呢個周期嘅藥,下一個周期直接開新藥食就可以啦,唔需要特別做額外嘅避孕措施都得。不過由於你係想由低劑量避孕藥轉食高劑量,有機會會出現副作用,包括頭暈、頭痛、不規則陰道出血、嘔心等等,不過一般都會喺三個月內消失。如果情況持續或者嚴重咗,就可能就代表未必適合你,或者要睇醫生喇。

不過有冇話係因為咩原因所以想轉?因為如果係擔心低劑量會影響避孕效果嘅話,其實都唔需要特別擔心,因為即使係低劑量都好,佢都係會有足夠嘅避孕功效嘅。

我哋都冇特別推薦邊一隻牌子會比較適合,不過如果係35歲以上而又有吸煙嘅話,都未必咁適合食避孕藥。

希望幫到你。

謝謝回應。仍有些問題。
YAZ 不是低劑量嗎? 我一向食開YASMIN 應該係高劑量(不是?)
其實一向食得YASMIN 幾好, 但因為我已經接近48歲, 仍想以藥做避孕, 但真心會擔心高劑避孕藥是不是唔太好? 係怕影響正常更年期既進化…
BTW 真係想求教YAZ & YASMIN 那個是高劑? 我怕我攪錯, 因為24+4日藥, 我已覺得好煩!

Hello 我哋新年期間暫停咗回覆,所以冇即時覆到

唔好意思,之前睇錯咗,撈亂咗你食緊嘅牌子,唔好意思 :man_bowing:

Yaz係有比Yasmin更低劑量嘅避孕藥,如果擔心嘅話,都可以試吓轉Yaz。不過提醒返,轉咗藥之後如果出現副作用,就最好停一停藥先或者睇醫生啦。

1個讚