食事前避孕藥冇月經

喺11月開始自行服用Yaz (28粒裝), 身體又唔算覺得好唔舒服,但最大問題係經常流啡,幾乎每日都會。
由食嘅第一個月開始月經就唔黎,我第一個月有啲驚,就停左冇再食幾日,之後幾日後又開左包新嘅食,開始第二個月
第二個月好搞笑地唔知係咪我停左幾日,又有m wo! 於是正常時間開始食第三pack, 即係1月,但係問題又黎了,正常我會喺2月頭黎M(for 1月呢個週期),但到今日(8日)都冇。2月5日驗左孕顯示陰性(1月22日最後一次性行為),所以應該又唔係有左?
但就係唔知點解準時每日食事前就會冇m, 請問是否正常?

Hello 我哋新年期間暫停咗回覆,所以冇即時覆到,唔知而家你嚟咗M未呢?

正常嚟講,月經應該會喺食28粒粒裝最後嗰幾日出現嘅。其實不規則陰道出血係食避孕藥其中一個可能出現嘅副作用,同埋一開始月經未有及時係個幾日出現都係有機會發生,呢兩個情況都有機會會喺食避孕藥初期出現,一般嚟講三個月之內就應該消失,變返正常。如果三個月之後都仲出現嘅話,就未必係正常現象,就可能要停藥、轉藥,或者睇醫生了解返情況。

而如果你喺1月22日最後一次性行為, 2月5日驗咗係陰性嘅話,呢個驗孕結果都係客觀而準確嘅,的確唔係有懷孕。所以有機會你係身體未適應事前避孕藥而出現呢啲狀況。不過記住如果身體有任何嚴重副作用,或者唔舒服,就最好停咗藥先,或者睇吓轉另一隻藥,或者要睇醫生啦。

希望幫到你。