咁樣會唔會有性病?

你好,我係男仔呢嘅,今日喺公廁去小便時,除底褲嘅時候感覺到痛,見到陰莖尿道口有脫皮嘅情況,應該係底褲嘅尿液貼實咗,於是我好驚咁沖入廁格進行詳細檢查,睇下尿道口有冇流血,我又喺未洗手嘅情況下將手指伸入尿道口入面檢查下有冇傷口同流血,依家我好驚會有性病同愛滋病,因為我隻手接觸過廁所同廁格門,同喺未洗手嘅情況下用手指接觸陰莖尿道口入面,請問喺依個情況下感染性病同愛滋病嘅機率大唔大?

Hello 呢個情況嘅話,會感染性病嘅機會都好低。

性病主要嘅傳播途徑透過體液,例如精液、腸液、尿道球腺分泌(Pre-cum)、陰道分泌、血液,接觸過身體比較薄嘅黏膜組織,例如肛門、口腔、陰道,或者傷口就有機會傳播到病毒。所以都唔需要擔心可能會感染性病或者愛滋病。

不過,公廁嘅廁所同廁格門都未必咁乾淨,可能會有細菌,如果用同一隻手指掂過呢啲地方又再掂尿道口,而過程中又冇洗過手嘅話,雖然就未必會有性病,但係就可能有機會會有其他細菌感染,導致發炎,所以都唔係一個理想嘅情況。下次最好就用唔同嘅手指,或者洗咗手先,咁樣會好啲。

希望解答到你嘅問題