好怕有性病🥲

我只係同男朋友做過兩次 插入時都有用套 但口交冇 佢應該冇染過性病 但我呢兩個星期有啲豆腐渣分泌物 而家又變咗黃綠色 陰部痕癢 喉嚨之前發炎食藥 嘴唇有少少紅斑 睇中醫話係虛火但我仲係好擔心…

Hello

首先,性病主要嘅傳播途徑透過體液,例如精液、腸液、尿道球腺分泌(Pre-cum)、陰道分泌、血液,接觸過身體比較薄嘅黏膜組織,例如肛門、口腔、陰道,或者傷口就有機會傳播到病毒。

呢度都可以揀少少性病嘅主要病徵,等你留意吓自己有冇相關嘅情況。例如如果係淋病嘅話,佢嘅主要病徵係尿道可能會流白濁,小便灼痛、陰部痕癢。不過尿道炎都係可能會有呢個情況嘅。

不過,要感染到性病嘅前提係同你發生性行為嘅伴侶都有性病,而你提到你男朋友係冇染過性病嘅,咁所以如果你男朋友本身係冇性病嘅話,就唔會傳染到性病俾你嘅。

咁如果唔係性病嘅話,咁你嘅豆腐渣分泌物,黃綠色分泌物,同埋陰部痕癢嘅話,就有機會會係念珠菌感染或者陰部發炎,就未必係性病。至於嘴唇有紅斑,就可能係中醫所講嘅虛火,就同你陰部嘅情況未必有太大關係。

所以呢段時間最好就多加注意陰部清潔,盡量唔好焗住佢,有需要嘅話就睇醫生,等醫生開藥,亦都可以了解返相關嘅情況。