食事後避孕藥之後有不安全性行爲會唔會有

女朋友係2月3號下午有不安全性行爲
然後係2月4號 23:00左右食左1粒事後
其後同女朋友係2月5號 01:00 左右再次發生不安全性行爲
講清楚少少就係藥後2小時再有不安全性行爲
兩次性行爲都無帶安全套 但最後體外射精
想問下食左藥後咁短時間無套 仲會唔會存在藥效
好擔心

Hello 呢個情況都好難答到你,而且都唔建議咁做。

因為事後避孕藥佢嘅本意同埋成效都係以食藥之前發生嘅性行為去計算,如果食藥之後再發生不安全性行為,佢有幾大成效都好難評估得到。

而且事後藥其實係高劑量嘅荷爾蒙藥物,對身體影響都比較大,本身係唔建議一個月內食多過一次嘅。

不過距離2月5號到而家都過咗一段時間,如果擔心嘅話,都會建議你驗孕,喺不安全性行為之後11日驗孕嘅話,得到嘅結果就係非常客觀準確㗎啦。

最後,如果你同你女朋友都冇帶安全套嘅習慣,但係又想發生性行為,又會擔心有懷孕風險嘅話,都可以考慮選購同埋食適合自己嘅事前避孕藥。