男下體痕癢

Hello新年快樂
事原一個星期前,同女朋友做完之後1,2日包皮個位開始痕癢,有少少白色嘅一粒粒,開頭以為同之前一樣,一兩日後就冇事,但係到而家龜頭上面都有,白色一點點旁邊仲有啲發紅嘅跡象,平時沖涼嗰陣時都係着重沖洗下體
補充一下我未割包皮,喺勃起嘅時候都唔會有啲咩特別問題。

Hello 新年快樂

憑呢啲資訊暫時未判斷到係咩情況。會唔會可以講多少少?

你嘅白色一粒粒係喺發生完性行為之後先出現?定係本身已經有?係喺包皮出面?定係喺龜頭?係出現咗白色一粒粒之後先有痕癢?

至於割包皮,並唔係每個人都有需要割包皮嘅,如果能夠將包皮反出嚟清洗龜頭嘅話,都冇必要一定要割包皮。

Hello白色一粒粒係發生完性行為之後一日係包皮入面出現,隔咗幾日龜頭都有白白色一粒粒。
至於痕癢都係一樣

你好,因為根據你就咁講既情況,都係唔足夠我地去判斷你既狀況,可唔可以再了解多少少。
首先,你宜家既白色粒粒係會痕癢?呢啲白色粒粒可唔可以移除? 如果可以移除既,好可能係受到感染,如:念珠菌之類,因為受念珠菌感染係會有白色分泌同痕癢。不過由於單憑你講既一些徵狀都好難去判斷係咩野事,性器官有不適或異常情況,建議你要先立即去睇醫生,由醫生判斷情況,可適時作出治療。