事前藥yaz

想問下魚腥草 黃芩 板藍根 連翹 金銀花呢d藥會唔會影響yaz ge避孕功效 幾日前食過一次有呢d成分ge藥 三日之後有進行性行為 一直都有食藥 日日都無食漏 目前都食左超過一年:pray:t2:

隻藥主要係清熱解毒ge藥黎

Hello 對於唔同藥物會唔會對避孕藥產生交互作用,從而影響藥效,都好難確切答得到你,因為每隻藥嘅成份都可能會有唔同,建議搵返醫生問返專業嘅意見。

不過,如果本身一直有食開藥,日日都冇食漏,又食咗超過一年嘅話,而且距離你食完呢啲藥之後幾日之後先再發生性行為,相信會導致懷孕嘅機會都較低。

希望解答到你嘅問題

1個讚

想問下係咪即使可能有相互作用懷孕嘅機會都較低?因為未夠7日未可以驗孕住,但我真係好驚

好擔心會因為食左淨係個一次嘅藥而排卵

同埋想問下13號發生嘅性行為係咪聽日使用驗孕棒就可以有一個正確嘅結果,因為我今日驗過一次得一條線,但驚個結果唔準確:pray:t2:

有關藥物會唔會對避孕藥嘅效果造成影響,你都可以參考以下Yaz官網嘅回應,部分嘅藥物的確係會影響避孕藥嘅功效(並無列哂全部)。因此普遍嚟講,如果食咗唔確定嘅藥後,最好都係重新食返7/14日避孕藥以建立返個功效。

詳細可以參考:https://www.yaz.hk/faq#medication_Q4

而好似之前同事咁回覆,如果你係有keep住食避孕藥,又距離食完以上嘅藥之後,再隔咗幾日後先再發生性行為,咁相信會導致懷孕嘅機會都真係較低嘅。

至於驗孕棒方面,基本上性行為7日後使用驗孕棒的話都會有個初步結果。因為驗孕棒嘅原理係透過檢測尿液中嘅hCG (人絨毛膜促性腺激素)含量而得出結果。呢種激素係受精卵著床後就開始大量分泌,而一般受精著床呢個過程需要6-9日,所以性行為後第7日就會有初步嘅結果。但如果你想更加準確就可以係11日後做多一次,咁就會更加準確。不過記得使用嘅驗孕棒要喺註冊藥房買呀,同埋用前記得睇清楚說明書嘅指引。基本上跟足下,準確度都非常高~

1個讚

多謝你:pray:t2:聽你咁講都安心左小小,想再問一下啱啱你提到驗孕棒要係註冊藥房買,而我係係萬寧買嘅,想問咁樣會唔會有影響?:bowing_woman:t2:

係屈臣氏:pray:t2:

Hello, 只要喺有信譽嘅日用品店同藥房買嘅驗孕棒都可以用嘅,跟足說明書嘅指引,驗孕結果準確度係非常高嘅。

1個讚