Keep住打避孕針打咗年幾，但係喺23年三月打咗最後一次之後就冇打，之後就有幾個月冇嚟M，但係因為冇性行為，所以都唔擔心。但自從停咗打針之後啲經期嚟得好唔準，可能兩個月先有一次，而且啲量好少好少好少…以前打針嘅時候可能經期會有四至五日，而且量多。但係停咗針之後幾乎係兩三日就完，請問呢啲情況係正常的嗎？
所以我今年二月中再次注射咗避孕針，我打完針之後第二日就冇嚟M，咁請問佢支針係即時有效嗎？我擔心我嚟得太少日子得個兩日
你好：）
其實月經本身係會受好多因素影響，例如生活作息、飲食習慣、運動量、情緒壓力等，都會影響月經幾時嚟、出血日數、出血量、經前症狀等。尤其係你有使用荷爾蒙式嘅避孕方式，係會對月經周期產生好大嘅影響～ 由於避孕針嘅藥效可以維持一個月或者三個月，佢嘅荷爾蒙劑量係高好多，所以無論係開始使用或者停用，都會對經期產生明顯嘅影響呢～
其實只要月經嘅日數係喺2－7日，都係正常嘅範圍嚟，只要血量冇增加到難以處理嘅情況，而顏色都係粉紅至啡色都係屬於正常架～
你可以繼續觀察你嘅月經週期情況睇吓有冇異樣，然後喺下次打針嘅時候問吓醫生嘅意見，睇吓需唔需要轉用另一款嘅避孕針，咁就可以喺最安心嘅情況下使用到適合你嘅避孕方法喇：）
咁即係我嘅經期只係嚟咗兩日 我係第二日打避孕針都係即時生效嘅？
聽到你話停咗針之後嘅月經幾乎都係兩三日就完，所以而家兩日就停咗月經，好難講係咪因為支針而導致月經完結呢～
但係一般嚟講，喺接受避孕針注射期間，由於體內荷爾蒙改變，係可能會出現月經不規則、月經流量減少或閉經等副作用，所以月經情況有改變係可以預期嘅～