我成日都好鍾意引男朋友引到佢硬
有時會整到佢就快射但又唔俾佢射
總之有時最後佢就係冇得射
想知咁樣其實對身體好唔好
會唔會唔小心玩壞咗佢身體
同問
如果成日扯旗會唔會對身體唔好
呢排唔知點解成日好易就扯旗
搞到出街都好驚會好尷尬
你好～ 其實呢個方法係可以作為延遲射精時間嘅練習，亦都可以作為累積快感，令真係高潮嘅時候快感更強烈嘅方法～
唔確定你講嘅「玩壞身體」嘅定義係咩，不過一般嚟講，如果習慣咗高強度刺激，就會容易對無咁強嘅刺激麻木；成日唔比射，如果最終係冇射精嘅話，有機會令身體習慣咗，變得唔係咁容易射精～ 不過身體嘅改變都係長時間係咁先會容易有嘅情況，所以只要無論喺強度同頻率上都適可以止，比身體唔好習慣咗某個模式就可以喇～
至於成日勃起方面，咁樣係唔會對身體唔好嘅，不過就容易啲出現令人感覺尷尬嘅情況～
你可以留意下會唔會係平日穿著嘅內衣太緊或太易因磨擦而刺激到，繼而造成頻頻勃起嘅情況，
因為身體始終都係感受到刺激就會作出生理反應，只要能夠減低日常嘅刺激，就能夠減少無端端勃起嘅情況喇：）