之前一直keep住食藥 但2月4號至7號都唔記得左食（三日）後尾食返有食足返份量（8-9都分別食左兩粒）之後維持食返一日一粒 不過有時會遲一兩個鐘食 但都keep住日日有食
到琴日食到第4粒白色藥丸（無效果個粒）都未黎m 但前幾次性行為都有用套 或者體外射 平時食到第4粒一定會黎m
想問會唔會有懷孕機會…定係食藥食到個經期亂左？希望有人解答到～
係唔記得食藥後嘅性行為都有用套
Halo
我留意到你有提及早排連續有3日無食到藥，所以都有機會因為咁而影響咗你嘅經期。我建議你可以先留意多幾日身體嘅情況。
基本上，如果你唔忘記食藥嘅時間多於補食時限 (一般係12-24小時內)，咁「補食」嘅機制已經無用
下次如果再有類似情況嘅話，你可以直接當重新食藥就可以了，而唔洗補食2粒。因為唔清楚你食緊嘅牌子係邊種，我係下面補上YAZ/Yasmin嘅補食規則同食法，比你做個參考吧！如果你食緊以上兩種，你可以選擇返食緊嘅牌子，然後答返佢嘅問題，佢會話你知你唔記得咗食藥嘅後續處理方法。
忘記食藥的處理方法：https://www.yaz.hk/missed-pill
至於意外懷孕就要視乎返你無食藥期間/補藥後性行為有無用到其他安全措施了。因為見你漏食藥嘅日子都有3日，正常嚟講我地都會建議你再食返至少7日藥，先叫做有效重新建立返避孕嘅藥效。所以期間如果發生性行為，都需要配合另外有效嘅避孕方法。
所以假如你係無食藥嘅3日同及後7日期間所發生性行為時，都有正確地使用安全套，咁其實都唔洗太擔心意外懷孕嘅情況。因為安全套都已經係有效嘅避孕措施之一。不過呢到都要提一點，就係體外射精並唔係有效同正確嘅避孕措施。如果你係上述時期只係使用體外射精作為避孕方法，咁意外懷孕嘅風險就會比較高。
好呀～～唔該曬你呀！