我今年26歲，依家讀緊一個part time course，一星期上兩堂，每堂三個鐘咁樣，每次要上堂就放咗工之後由沙田趕去中環，上完堂再由中環趕返屋企，每日咁樣搭長途車來來回回，真係好攰…
同一時間，我返工返得遠，啲嘢又好趕，成日都有好多突發情況，同埋有時連星期六日都要返工，雖然呢份工都差唔多返咗一個月，但係我真係覺得好辛苦，辛苦到每日都會係屋企爆喊一次，然後瞓又唔太瞓到（成日發惡夢），成個人嘅身心狀態都似乎愈嚟愈差，差到連我啲朋友都叫我唔好繼續返呢份工…
因為呢份人工比較高，有20K以上，所以我先決定take呢個offer，但係另一方面真係好似冇咗個人空間同生活，自己嘅心靈狀態都變得好差，我應該點算好？
Hello, 多謝你信任我哋，講出你嘅困擾。
你嘅情況聽落好辛苦。你一方面想要兼顧工作同學業，但係又覺得身心係承受唔住。建議要感覺下自己嘅內心，明白自己嘅需求同埋極限係邊度。
你可以考慮以下尼幾個方向去改善宜家嘅困擾：
無論工作嘅報酬有多高，如果係換嚟身心係健康嘅代價，都係值得深思嘅。當你嘅身心健康受到影響時，唔妨考慮放慢步伐，尋找更加平衡嘅生活方式。
當你感到壓力巨大時，要考慮下你嘅優先次序係咩。學業同工作雖然重要，但係身心健康都重要。有時候，需要暫時放低一啲目標，去保護自己嘅健康。
唔妨同身邊嘅人（朋友、家人）傾吓，分享你嘅感受同煩惱。可能有人會有啲意見或者提供啲幫助，幫你梳理下思緒同埋做出決定。
如果你覺得呢份工係令你身心係健康受到傷害嘅主因，不妨開始搵其他工作機會，可能係更貼近你嘅興趣同埋更能夠平衡生活同工作嘅機會。
希望可以幫到你走出困境。