梅毒45日conclusive?

是咁的,幾個月前我了解過std嘅風險後,約嘅話都會用套(最後一次約係12月中)

返到香港後,我就冇理太多,但最近呢幾個禮拜手臂間歇性起紅疹(大概5-10分鐘後自行消散)、口腔斷斷續續有潰爛,就擔心可能係梅毒,所以係last exposure後第48日就去左一個ngo做hiv/梅毒tp快測,結果陰性。幫我test嘅義工就話45日 syphilis should already be conclusive,可以唔使擔心,但我之後幾個禮拜都一直擔心緊,而家就懷疑個口腔有chancre,但同網上d圖片相比唔覺得似

我原本想去社會衛生科check check,但因為有一次睇政府clinic,醫生都會同我同行屋企人傾過去病史(activate左醫健通),所以會怕呢點,就想問下坊間賣緊嘅syphilis rapid test準確度高唔高?:pray:

Halo​:smiling_face:好欣賞你係性行為上都主動選擇咗用安全套呀,只要係性行為期間有全程正確地使用安全套,基本上都可以預防到大部分嘅性病,所以都想係肯定返你嘅做法:ok_man:t3:不過講起梅毒時都想提醒你,梅毒除咗係進行插入式性行為時有風險,亦都會透過無套口交傳染,但好多人都唔知或者唔記得 :smiling_face_with_tear:所以都想先提一提醒你,可以留意下呢方面:ok_man:t3:

咁言歸正傳先,你做test嘅義工所講嘅都無講錯!市面上大部分檢測梅毒嘅快速測驗都係有45日嘅空窗期,所以只要你係該次你擔心(或者對上一次)嘅性行為發生後45日做梅毒快速測試,大致上都已經好準確了。當然,如果你都仲係好擔心嘅,緊係可以去再做多次檢測:rofl:如果你係去啲合法同有牌嘅藥房到買自我檢測包,又或者NGOs到做,相信結果都係有效嘅!

而有關社會衛生科同醫健通嘅問題,基本上醫生只係會睇到你係邊到登記。基於私隱原因,佢地唔可以直接睇哂你所有嘅病歷,不過如果你都仲係擔心,可以打去再三確認下:ok_man:t3:

最後,梅毒嘅病徵相對冇咁明顯,所以都好難透過表面嘅病徵去判斷;而做快速測試係比較準確嘅方法,所以如果再做嘅結果都係陰性,其實都唔使太擔心 :heart_hands:同埋如果都keep住會有性活動,都建議你可以定期去做檢測:rofl:大概3個月、半年,或者至少一年做一次~

Thank you so much​:pray:

你自己單獨一個去咪只講俾你個人知

因為平時去公家clinic/醫院睇病我家父都會跟去,所以就麻煩d(今年年頭去過睇普通科門診結果個醫生就重複講以往病歷,所以就會擔心)

講返點解你認為口腔潰瘍關梅毒事
你嗰一次可疑性交 有什麼方式先
閣下是男/女

因為上網睇過話梅毒會attack mucous membrane,所以就有啲驚係
跟住因為係男男口交,但事前都有check過係陰性(不過唔知對方最近亂唔亂)

口交時有無用套先

Hello @hm97 @恐懼的心 (cc @Tony_StickyRiceLove)

都理解大家對於病情有擔心嘅地方,而梅毒好大程度上都以性交為傳播途徑
而傳播與否,性別都並非首要考慮條件,所以大家可以聚焦返落去疾病層面~


就住醫健通方面,我希望補充一點:只要你係自己管理返你嘅帳號,就可以放心~
:warning: 同時,亦唔建議你將帳號密碼資料等等交予屋企人,甚至其他人! :warning:

不過,有兩點要留意返:

  1. 醫院管理局轄下嘅《HA Go》資料,係會單向流通去香港政府衛生署嘅《醫健通》系統

  2. 兩個 App 都同時存在「照顧者」以及「被照顧者」嘅概念
    HA Go: 照顧者 - HA Go
    醫健通: 常見問題 - 醫健通 (內文: 如何協助我管理我的家庭成員的健康?)


所以會產生以下情況:

[情況 A] 假設你嘅照顧者擁有:

  • :white_check_mark: 成為你 HA Go 帳號嘅「照顧者」角色
  • :x: 未成為你醫健通帳號嘅「照顧者」角色
  • :no_entry_sign: 咁你嘅照顧者只會瀏覽到公立醫院、公立診所資料,而 並唔會 瀏覽到你曾經到訪社會衛生科

[情況 B] 假設你嘅照顧者擁有:

  • :x: 成為你 HA Go 帳號嘅「照顧者」角色
  • :white_check_mark: 已經成為你醫健通帳號嘅「照顧者」角色
  • :white_check_mark: 咁你嘅照顧者 可以 瀏覽到你曾經到訪所有公立醫院、公立診所、社會衛生科
  • 以及任何有連接醫健通系統嘅其他地方或醫療機構(例如到校疫苗接種計畫、新冠肺炎社區接種、社會衛生科疫苗接種)嘅到診、藥物處方及疫苗接種紀錄

[情況 C] 假設你希望係(有連接醫健通嘅)診所睇醫生、同醫生商討治療方案:

  • :warning: 如果第一次睇,診所就必須要先得到你口頭同意,並即時向診所提交由醫健通系統發出嘅授權號碼,先可以喺你所指定嘅時限內閱覽你所有公立醫院/診所病歷,以及上載任何新嘅病歷、藥物過敏資料、放射影像等等醫療紀錄(有聽過有部分診所都唔問,直接 set 永久,不過你可以自己去醫健通 app 入面取消或更改)
  • :white_check_mark: 如果已經授權而未屆滿授權實現,有連接醫健通嘅診所醫生 可以 喺你到訪診症時候查閱及加入病歷
  • :x: 任何醫療機構及人員都只能夠加入新嘅醫療紀錄,除非嚴重出錯(例如錯誤寫入藥物敏感紀錄)先可以特例更改

假如你因為某種原因,希望切斷互通權限,或者停止其他「照顧者」權限,可以隨時到醫健通或者 HA Go 帳號設定入面處理。


希望呢個補充能夠令你對自己嘅自主醫療決定權,以及《醫健通》APP 認識加深~
以便做出你認為適合自己嘅醫療決定啦~!

– Ivan

多謝你嘅補充!