關於月經和身體問題

Hello, 想請問一下月經和身體的問題

近這一年多,月經都比較準時,甚至會早到一天,流量方面以往月經是會來五天,第二天是比較多的,甚至有血塊的。

上個月月經忽然少了,月經好似skip了最多流量的第二天,全個月經時段只有三天,總共大約只有兩塊m巾的流量,今個月仍然還未來月經。

我亦在最後一次性行為的第十四天、第十八天和第二十二天都用clear blue 的ultra early 和電子驗孕棒以晨尿驗過,亦有跟足說明書的指示,結果是negative…

還會有機會是因為懷孕的關係嗎?如果不是懷孕,是子宮病變而引致月經反常嗎?

十分謝謝亦麻煩你們回答我的憂慮!

Hello~ 聽你所講,你嘅情況同懷孕或病變嘅關係不大,所以唔需要太擔心:raised_hands:t2::raised_hands:t2:

月經方面,一般週期大約係23-35日,遲嚟月經嘅日數大約係2-7日,血量多於護墊所能承受嘅量都算係正常,所以上個月嘅情況都仍然屬正常範圍內~ 而子宮病變通常會造成明顯不適、分泌物異常或嚟經日數延長及血量增加,所以都唔符合你嘅情況~

都想問問你目前比起平日遲咗幾多日?因為月經會受到荷爾蒙水平影響,想了解下你最近生活上有無大轉變、病過、食藥或者壓力大?呢啲都會影響到你嘅月經週期長短同血量多少嘅。如果你真係好擔心,都建議向醫生查詢 :raised_hands:t2:

驗孕方面,你都做得好充足而正確,所以唔使太擔心懷孕呢。

Hello, 想請教多一句,我今天是在性行為後三十天再驗尿驗孕多一次,跟足說明書以入睡七個小時後的晨尿驗孕,今天亦是比原來應該來經遲了一天,結果都是negative.

其實,我是可以相信結果,不需要再驗孕,可以排除懷孕的風險,是嗎?因為網上有些人說要在月經逾期後的一星期或兩星期驗孕才準確的。

不好意思,麻煩你們可以再回答一下,因為怕上個月來的是「假月經」或者是不正常懷孕驗不到,謝謝你們!

Hello @Mr.Queen, 你係性行為後30日進行驗孕,而結果係陰性既話,咁已經代表左你無懷孕。 因為驗孕係藉由檢驗尿液中有無含有hCG 呢個荷爾蒙黎判斷受測者有無懷孕。人類絨毛膜促性腺激素(hCG) 係一種當精卵結合、胎盤開始著床後就開始分泌既激素,佢既作用係促進子宮壁充血增厚,等胎盤可以成熟黎提供胎兒日後成長既養分。太早驗孕未必準,因為尿液中既hCG賀爾蒙係受精之後7-9日先開始分泌,性行為後11日驗,基本上就好可信。

著床性出血同月經某實有好大分別。一般著床性出血嘅血量較少,顏色較淺,可能會少至只有一滴血,部分人可能血量會多少少。血量係護墊可以承載嘅血量,通常只會一日內一瞬間流完,並唔會似月經咁持續黎4-5日。著床性出血時亦唔會好似黎月經咁身體有劇烈感覺(例如肚痛、頭暈等)。

如果你之前既月經係持續咁出血,就唔係「假月經」。