我一直都有甩頭髮嘅情況，不過一直都只係甩兩至三條，跟住近排唔知咩事，梳頭嘅時候甩好多，撥一撥頭髮又甩一兩條，梳頭嘅時候係真係成執，20條都可能有，吹頭髮嘅時候都甩到成地都係，究竟咩原因會導致突然間咁甩頭髮
Hello 其實本身正常情況下，每個人每日都會有一定嘅頭髮脫落，都係正常嘅情況，只要唔係有大量脫髮嘅話，都唔需要太擔心。
如果真係發現自己甩頭髮問題嚴重咗，有機會會係有唔同原因，例如隨着年紀增長，而慢慢髮量變小或者脫髮。都有機會係近期壓力過大，或者生活作息改變，都有機會會影響到。另外近期香港天氣都比較潮濕，呢個都係一個潛在嘅原因可能會影響頭髮。或者就係本身有頭皮或者頭油過盛等等各種問題，都可能會影響到甩頭髮。
如果係壓力過大或者生活作息嘅話，都可以嘗試盡量放鬆心情、或者有比較固定嘅作息，或者建立唔同嘅良好生活習慣，例如進行適量運動，或者改善飲食習慣都可以。如果係其他頭皮問題嘅話，就可能要揀返適合自己嘅洗頭水，或者可能係一直嘅洗頭方式有問題。
如果真係覺得好困擾嘅話，都可以搵返專業醫生或者諮詢返相關專門中心嘅意見。
1個讚