交代吓背景先，我係個bi女仔嚟，女朋友係les，我同佢係同年嘅但佢留咗年班所以我今年f5佢f4。
其實拍拖之前都知道佢因為家庭因素會好容易冇安全感，而我都好盡力令佢唔會咁冇安全感，例如我放學小息溫書等等時間如果冇咩特別嘢做就會陪佢或者同佢discord call住咁溫書。
不過因為我都f5，要開始努力準備dse，無可否認我真係變到好忙，幾乎每日都有嘢做又成日要補習或者搞校內post嘅事務，所以我冇得成日無時無刻都陪住佢，佢又會開始好冇安全感好想搵我但又會覺得佢自己好煩。
其實我真係唔覺得佢煩，但我都唔知可以點算好，好老實講為咗陪佢我都犧牲咗唔少同朋友相處或者獨處嘅時間，但我始終多嘢做，我亦都想努力兼顧好自己嘅學業，佢好似成日因為我陪唔到佢而唔開心咁，但我又真係好鍾意佢，我真係有啲搵唔到個平衡點應該點算好
Hello~ 聽到你最近都因為分身不暇而有啲壓力，辛苦你了
我相信如果女朋友可以包容你學業忙碌，應該會令你哋關係無咁緊張。都不妨揾個機會同另一半認真詳談一次，分享你嘅諗法，俾佢知道你好重視你哋嘅關係同時亦都想兼顧到生活入面其他面向，然後一齊商量一啲大家都覺得work 嘅方法，令到你做到其他嘢嘅同時佢亦能夠感覺安心啲～ 例如温書都好，隔一兩個鐘message傾一兩句，保持聯絡令佢安心啲，都係一個方法 
呢度有啲實用小tips：建議用大家一齊傾出嚟嘅方法，set 一個期限，試行一段時間，定期檢視返覺得work 唔work，然後再作修改，直到搵到大家都ok 嘅相處模式～ 咁就可以慢慢搵到合適嘅方法，而期間雙方亦可以嘗試咗先再調整，有一啲buffer 嘅時間，而唔係一唔習慣、好大情緒就放棄嘗試～ 同時亦要記得，呢啲磨合嘅過程係為咗令關係更穩固、走得更遠，喺事先討論中已經預期磨合期間可能會出現情緒起伏，同埋諗定一啲應付嘅方法，咁啲情緒對關係嘅影響就可以大大減弱啦～