condom穿左!會唔會有病?

話說小弟琴日同一個新識既男士有套肛交(我係0),過程唔耐,大約5分鐘到。當時用0.01冇KY。
中途佢有拔出嚟休息一下, 呢個時候都見到仍然帶著安全套冇事, 之後再進入約2分鐘到
結束, 佢掹出嚟嗰下就見到安全套穿咗,我個心即刻涼哂勁down,不過佢全程都冇射精。
我即時再睇下佢龜頭,都係乾既唔覺有pre cum。

<想問呢個情況下若果對方係HIV帶菌者,我係咪好高風險奶野?係咪最好今日食事後藥?>

事後佢有解釋話佢企係到做好難有pre cum同埋射,需要無套中出我先大風險,所以插入我個陣係冇液體出到黎我肛門到,又話佢驗過佢唔係帶菌者叫我放心,又話我應該唔係信佢冇hiv,係信現有知識。

我估計穿左到結束都係1分幾鐘既事,網上有評論話咁風險唔大,但都擔心佢有pre cum而大家唔知。

結合以上,如果對方講既野係岩,我要確定佢唔係帶菌者先安心,但暫時做唔到呢點。唯有係到問以上既問題,假設如果佢係有hiv既話。

真係要搵事後藥既話就最後今日,因為後日要飛走…所以希望最快俾到意見我…

Halo :pleading_face:唔好意思都遲咗啲覆你 :smiling_face_with_tear:聽得出你都真係好擔心,雖然我唔能夠直接俾意見你食定唔食藥,但都可以分析下個情況先。

首先,係風險上嚟講,因為都無人知道實際上係幾時出現穿套嘅情況,所以其實呢個情況下好難話因為無濕(pre cum)、時間又或者姿勢等而答你係低風險。正如你所講,因為都唔知個位朋友仔嘅身體狀況,所以當穿套嘅情況出現下,我地都會話係HIV上呢個係個有風險嘅性行為嚟。

知道咗呢個分析後,可能你就會諗要唔要食暴露後預防性投藥(PEP),即係你所稱嘅「事後藥」啦。我諗你都可以諗下以下嘅因素再決定。

第一就係你都有擔心嘅時間,可能你都知道呢個藥需要你係性行為後72小時內要服用第一粒藥。但另外都要留意多樣資訊,就係服用呢款藥前係需要醫生評估同唔同嘅身體評估,例如HIV同肝功能測試等。所以你都仲可以係聽日向有相關服務嘅機構查詢下你個情況。以下係其中一個比較LGBT+ friendly嘅機構「關懷愛滋」,另外你都可以去其他私家醫院或者診所查詢:

其次,係PEP嘅服用時間,因為PEP都係個頗為長時間嘅療程,服用者係需要連續28日準時服用藥物。而且過程中都有啲副作用,而副作用更加因人而異,有部分服用者都會反映副作用對自己作用好大,副作用多數都係以腹瀉、頭痛、噁心及嘔吐等情況為主。特別我都見你有提到暫時會離開香港,而好多時服用呢個藥物嘅期間都會有啲身體檢查同醫生診症,而留意你嘅身體狀況改變,所以呢個都可能係你需要留意啲情況。

最後就係成本問題。暫時大部分情況下,香港服用PEP嘅方式都係以私人機構為主,所以價錢都偏高,大概整個療程都需要萬幾蚊嘅費用。所以對於有財政困難同壓力嘅朋友都可能需要納入考慮範圍之一。

我諗呢個情況下,你都應該會好傍偟同唔知點算:pleading_face:你可以好好考慮下以上幾點,聽日再搵有相關服務嘅機構溝通下,了解下佢地嘅詳細資料再做決定。不過,我都想提一提,就算你最後唔打算服用PEP嘅話,我都建議你係90日後去做一次快速測試,檢查下梅毒同HIV嘅結果,以求個安心~