戴套外射會唔會懷孕?

咁之前同男朋友喺 24/2 同 2/3 做過

全程載套,同載套外射,之後都有灌水落去,係無漏水,而套係冇調轉同埋差唔多載到落底,因為係我幫佢戴,戴之前有禁住頂部,折返啲空氣出嚟

平時月經係比較準時,大多數係30 日,嚟7日,2月份嗰次係早咗兩日,6/2 嚟 M, 12 號完
原本今個月嘅月經應該係7/3 嚟,但係都依家都未黎,好緊張同擔心會懷孕
唔知係唔係關感冒事,依幾日都仲病緊,白帶都好少,甚至乎冇

想問下大唔大機會出事

你有冇胸脹之類

冇胸脹,冇陰道流血

會唔會太緊張有壓力未黎:thinking:
有d人差唔多黎m會胸脹痛、 腹胃痛

就係唔清楚,因為唔夠膽 check

我覺得你應該冇事既, check 下買棒 ,驗孕
我覺得你一驗完 冇事可能即刻黎m
有時心理壓力大 會m遲 搞到仲緊張

同埋你依家夠11日
驗都好準確 可以放心

大唔大機會中?

我覺得唔大
但如果想安心 會驗 下 比自己唔洗懷疑

我依家未夠11日 未驗得住
我都想唔想令自己疑神疑鬼:sob:

你以前有冇試過咁樣帶左套外射? 定第一次所以擔心

之前都係咁

可能今次心理壓力 感冒好多因素遲左月經

Hello, 欣賞你同伴侶發生性行為做足安全措施,避免懷孕同預防性病/其他疾病。睇返你嘅情況懷孕風險極低,唔使擔心。因為你全程使用安全套,同埋除套後灌水入去測試安全套係無滲漏嘅情況。基本上有正確咁使用安全套,避孕率都可以達到91%或更高。

不過你提到有外射,射喺近陰部嘅位置,都會有一定程度上嘅懷孕風險。因為精液有機會流入陰部裡面。如果有正確使用安全套(正確戴上安全套;做愛嘅時候全程使用),都唔需要喺射精嘅時候抽出。反而直接抽出陰莖,而又冇按實安全套嘅底部嘅話,令安全套裡面嘅分泌物意外流咗出嚟,增加意外懷孕嘅風險。另外,就算未射精,陰莖喺性興奮嘅時候都會流出尿道球腺液,當中又會含有少量精子。意外接觸到陰道,就可能令大家都擔心意外懷孕。

經常會聽到安全套失效,咁係有好多原因造成,可以去到我哋機構嘅IG睇吓「10個令安全套失效嘅原因」嘅分享,當中都有提過相關安全套嘅使用上小貼士。

至於月經遲咗,係因為月經週期受好多因素影響嘅,例如生活習慣改變、心理壓力大、生病服食過藥物等等,見到你提到有感冒同埋擔心懷孕嘅情緒壓力,咁都會影響到月經週期嘅。同埋正常都未必係每個月都同一日嚟嘅,所以暫時都唔需要太過擔心。一般嚟講,如果月經比起預期嚟嘅日期遲3星期或以上,就要睇醫生檢查下身體有無出現一啲狀況,令到月經週期咁唔穩定。

戴套外射嗰方面其實係遠離陰部嘅
係完全抽出嚟,並且有撳實根部

咁大致上所有情況觀察吓,懷孕機率高唔高?

另外、 想問埋 如果抽出冇禁實根部 拎哂出黎先格1-2秒先射、 望落個套冇特別移位 , 仲係緊貼根部 都會液體意外流出嗎? :thinking: 還是抽出時 向前移位或condom 留在體內先有機會?

之後有加水測試 冇穿

係米冇半脫離 / 留係體內 就唔洗太擔心 ?

Hello, 多謝你嘅補充~ 你提到嘅情況懷孕風險幾乎係零,唔洗太擔心同緊張。

Hello, 逐個回覆你嘅提問~

第一個情況:安全套緊貼陰莖根部,然後抽出陰道再發生射精,呢個情況安全套內嘅精液/尿道球腺液意外流出機會偏低,因為安全套仍然包緊勃起嘅陰莖。

第二個情況:戴上安全套嘅陰莖抽出陰道時,可能太快 / 陰莖已經軟掉導致安全套移位 / 脫離 / 留係陰道就會造成安全套內尿道球腺液/精液流出,增加懷孕風險。為左避免安全套移位 / 脫離 / 留係陰道就要係抽出陰道時按實陰莖根部,咁就確保唔會發生液體流出。

第三個情況:安全套無半脫離 / 留係陰道基本上唔需要擔心液體流出嘅情況。

因為到依家都仲病緊,仲有啲發燒
唔知關唔關事

同埋今日冇啦啦有啡色白帶,係唔係懷孕