安全套使用

想問下如果安全套帶反會否懷孕,以及如何檢查破損,由於是第一次,有帶安全套但怕帶反以及出現破損,就肉眼觀察沒有破損,全程只插入5-6下

Hello, 欣賞你同伴侶發生性行為有使用安全措施。如果安全套帶反係有機會懷孕嘅。理論上安全套反轉咗係唔能夠順暢咁戴得落嘅,如果覺得好難分辨安全套嘅正反,可以試下對住個套輕輕吹一口氣,如果膠圈喺外面就係正面,相反如果膠圈被包住喺入面就係反面,知道就咁講可能有啲抽象,所以你可以參考下糖不甩嘅依個ig post入面有圖示安全套嘅正反分別嘅。

https://www.instagram.com/p/B4EX0FVFLUf/?igshid=1o2eryo4tlfj5

而導致安全套失效嘅原因有好多,除咗唔正確咁戴,有時摩擦太強(因為唔足夠潤滑)都會令安全套破裂,有啲人會係事後灌水入去測試安全套係無滲漏/爛嘅情況。如果擔心只係用安全套仍然唔足夠,可以考慮同時使用埋荷爾蒙避孕法,例如係口服避孕藥,或者係避孕針,咁樣就會更加安全啦。