想問下如果性行為後12日驗孕但唔係用晨尿準唔準
想得知準確嘅驗孕時間要係性行為後幾多日驗？唔該曬
你好呀，自行驗孕可以喺性行為後第7日或第11日進行，因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
咁請問如果我性行為後14日後再驗多左次係陰性係咪就係冇事架啦？都唔係晨尿黎會唔會冇咁準只係儲左大概是1個幾鐘嘅尿
Hello @Shuuuwey 係啊，驗孕係藉由檢驗尿液中有無含有hCG 呢個荷爾蒙黎判斷受測者有無懷孕。人類絨毛膜促性腺激素(hCG) 係一種當精卵結合、胎盤開始著床後就開始分泌既激素，佢既作用係促進子宮壁充血增厚，等胎盤可以成熟黎提供胎兒日後成長既養分。太早驗孕未必準，因為尿液中既hCG賀爾蒙係受精之後7-9日先開始分泌，性行為後11日驗，基本上就好可信。
咁請問如果唔係晨尿都會準嗎？儲左一陣尿就驗左
Halo
係呀
我見你都比較擔心要唔要用晨尿做檢測，但其實驗孕棒嘅原理好似同事上面咁講係睇尿液中嘅hCG賀爾蒙，所以當濃度夠高時，無論幾時驗個結果都會係一樣。
大多數人建議早上用晨尿做測試，只係由於懷孕初期時，體內hCG賀爾蒙濃度會較低，若果驗孕前又飲太多水，就會影響到尿液嘅濃度，所以大部分人先會建議可以用早上起來嘅第一泡尿嚟做檢驗，但咁樣並不是代表只有晨尿先有效嘅～
睇返你所講，我見都已經係性行為14日後用驗孕棒，其實已經係有足夠嘅時間得到有效嘅結果。但如果你聽完都仲係好擔心
你都可以呢幾日再用另一個牌子嘅驗孕棒做多次測試，以求安心。
我頭先食晚飯前見到有少少啡色分泌物加有少少淺紅色除左底褲有少少之外得抹嗰時先見到 本身以為就黎黎m 但係到依家都冇之前黎m嘅量同埋顏色會唔會係著床出血架
到依家佢由少少有紅色 到依家得返啡色仲要係越黎越淺色好似就黎黎完m嗰種我經期本身應該係19號姐係今日黎 好擔心求解答
同埋我之前一路都有黎m嘅前兆 直到見到啡色分泌物之後就冇左好擔心
Hello, 啡色分泌物，俗稱流啡，係身體荷爾蒙水平改變時會發生嘅現象，係正常嘅。當精神壓力過大、生活作息有轉變、飲食習慣改變、最近有服食藥物等都會影響荷爾蒙水平。尤其係你經歷過咁樣嘅情況後更容易產生焦慮同壓力影響到荷爾蒙，建議你可以觀察多幾日，流啡有機會係月經前嘅出血情況，如果之後幾日正常嚟月經咁就冇太大嘅問題。如果浪流啡情況持續嘅話就建議去諮詢醫生嘅意見。另外，分泌物無任何異味，亦無唔舒服嘅感覺，咁都唔需要太擔心。
而懷孕初期出血又叫「著床性出血」係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，通常只會一日內一瞬間流完，唔會持續地出血幾日，血嘅顏色亦會同月經嘅唔一樣。一般由受精到着床大概係性行為後六至九日就會發生。而着床性出血並唔係一個常見嘅現象，即使真係因為懷孕都係只有少部分女性會出現嘅情況。
驗孕係一個最直接知道有冇懷孕嘅方法。只要驗孕嘅時候有依照包裝／說明書嘅指示正確咁使用同埋喺指定時限內睇結果，咁個結果係可信嘅。如果唔肯定嘅話，可以考慮再次驗孕、或者買多一隻其他牌子嘅驗孕棒、又或考慮使用電子驗孕棒，咁就唔洗睇有冇兩條線，可以令你更加安心放心。
如果你都仲覺得擔心的話，可以考慮使用荷爾蒙避孕法，例如係食口服避孕藥、用避孕貼、或者打避孕針，使用呢啲方法再加埋安全套，避孕效高亦可以預防性病同其他疾病傳播架～
最後如何啦，無事嗎