係咪要比人拉

女朋友15我18
佢原本應該係10號嚟m但我同佢12號個陣扑咗
扑個陣都有帶套我仲要帶住射個陣都拎出嚟嚟射
但我女朋友而家都仲未嚟m遲咗5日會唔會已經有咗
同埋我係咪要比拉啦

有人覆嗎我而家勁緊張唔知可以點好:pray:

有人可以答下我嗎:pray::pray::pray:

Hello

見到你同另一半發生性行為時,有使用安全套,正確使用安全套嘅避孕成功率高達99%,所以唔駛太擔心月經遲嚟係由懷孕導致嘅。

月經其實係會受好多唔同因素影響,例如情緒壓力、飲食習慣、生活作息等等,呢啲都會影響到佢遲嚟或者早嚟,所以都好難憑咁樣去判斷有冇懷孕。

如果想知道自己係咪有懷孕,唯一嘅方法係驗孕。驗孕係檢測身體有冇hCG呢種受精卵著床之後先會產生嘅荷爾蒙,而卵子受精著床需要大概6-9日時間。所以,性行為7日後驗孕會得到初步結果,而11日後驗孕就會得到相對比較準確嘅結果。你可以計算返發生性行為嘅時間進行驗孕。

不過如果月經遲咗三星期或以上,就可以考慮睇醫生,由醫生決定需唔需要開調經藥俾你。

最後,喺香港合法發生性行為嘅年紀係16歲,與16歲以下女童性交有機會被判監禁5年,如果女朋友未夠16歲,你地嘅性行為係有法律風險嘅,希望你地了解完之後做出知情選擇。

我而家好驚我係咪一定要坐五年架啦係咪淨係我要坐我女朋友係咪唔使坐架:sob:

我緊張到瞓唔著點算我而家唔知可以點我係咪應該直接自首我唔知點同屋企人講好:disappointed:

等到有得驗買枝棒去驗下先啦 唔好咁緊張住

1個讚

遲咗咁多都未嚟仲會嚟嗎好難唔緊張

去買支驗左孕先 再考慮下一步點做
不要緊張

Hello~我分開「遲嚟M」同「意外懷孕」兩部分講啦:raised_hands:

「遲嚟M」方面,聽你講女朋友暫時只係遲嚟5日M,其實月經會受生活壓力、藥物等因素影響,而有機會提早或延遲,而只要喺23-35日内出現月經,都係屬於正常可接受範圍,如果真係遲超過三星期,都可以諮詢醫生,視乎身體狀況需唔需要使用催經藥。

「意外懷孕」方面,正如上面同事所講,你哋可以先用驗孕棒檢測咗先,如果結果陰性嘅話就可以好好放心,假如係陽性嘅話,建議可以聯絡家計會,只要係懷孕10週内都符合條件進行終止懷孕,不過都有四件事需要提醒你:

  1. 終止懷孕手術

  2. 喺香港進行終止懷孕,需要有兩名註冊醫生證明繼續懷孕會對孕婦構成嘅生理或心理損害較終止懷孕大比較大,先可以進行終止懷孕手術。

  3. 會否聯絡家人?

  4. 家計會並唔會擅自聯絡你嘅家人,除非得到你嘅同意。但因為終止懷孕係一個重大嘅手術,所以如果未成年嘅話係需要家長或者監護人簽署同意書嘅。

  5. 是否構成法律責任?

  6. 因為喺香港與未成年少女(16歲以下)發生性行為(即使經過雙方同意都好)都屬於刑事罪行,所以喺家計會處理有關程序嘅時候,都有機會被呈報上警方,但呢方面可以同家計會有關嘅輔導員傾傾。

  7. 是否只有男生會坐監?

  8. 根據香港法例第200章第124條:「任何男子與一名年齡在16歲以下的女童非法性交,即屬犯罪,可處監禁5年。」現行法例上確實會偏向保障女方,而喺雙方同意都好,亦只有男方會遭受刑事檢控。

明白你而家都好擔心好緊張,所以而家可以做嘅第一步係先去買驗孕棒檢查咗先:pray:

1個讚

啱啱女朋友去廁所話有少少血咁但我睇人講話啱啱懷孕子宮都會出血而家希望佢真係嚟m​:pray: