你好，我是男性。
上星期出外公幹到按摩店按摩，我只穿著店提供的一次性紙底褲。過程中女方有為我無套手淫（沒有口交，沒有插入性交）。本人極度敏感，射精一刻非常突然，拿不切紙巾，急忙之際只好全射在紙底褲。女方後來有用紙巾清理我陰莖。
我的問題是：
對方有幫我無套手淫。由於店的燈光不足，我當刻也沒有刻意去看女方的手是否有傷口/有傷口正在流血。本人陰莖和陰囊應該是沒有傷口的，只是陰莖上方小腹位置有濕疹可能有傷口但當刻並沒有流血。若對方是HIV /其他性病感染者而手上又真的有傷口，請問我是否有機會感染HIV /其他性病 (例如梅毒)？
在射精後，由於紙底褲已丢掉。我就蓋著店的毛巾，陰莖與毛巾之間只隔著紙巾繼續按摩。但過程紙巾有移位。而且事後我看見她並沒有換床單，我還光著身子躺在床上，是否也有得到性病的風險？
請問我以上行為算不算是高危性行為？應該什麼時後去做哪些檢測較好呢？
本人之前並沒有這種按摩經驗。經歷這次後已經怕爆。
不好意思問題這麼長，我真的好擔心。懇請幫忙解答，萬分感謝！
hello
首先，性病係屬於傳染病，不分年齡、性別、種族，一般透過性接觸，不論係性交、肛交、口交或生殖器之間皮膚接觸，就有機會經由血液、精液或其他體液感染性病。而性病一般可以分為細菌型性病，或者係病毒型性病。前者大多數都可以完全根治，而後者大多數未有藥物可以完全根治，但可以控制病情，例如愛滋病，性病疣（椰菜花）。
1）手交過程中如果對方嘅手上未見有傷口，傳染到性病嘅機會率好低，單單只係用手接觸過你嘅皮膚，即使你附近有傷口都好，而佢係冇傷口嘅話，都係唔會傳染到性病嘅。除非個位性工作者嘅手都係有流血嘅傷口，咁先有機會傳染到。就手交方面，可以考慮過程中使用安全套覆蓋陰莖，以減低直接接觸嘅機會。
2）性病病毒離開咗宿主之後好快就會生存唔到，而性病病菌都好難喺物件嘅表面生存到，所以你所講嘅嗰啲接觸過嘅物件，都唔會有風險嘅。
3）見到都想做性病檢查，留意嘅係感染性病之後會有一段時間嘅潛伏期，係呢段時間裏面病毒或者病菌潛伏喺體內唔會有任何病徵。而即使你已經有病徵都好，都需要過一段時間，等病毒嘅數量累積多啲，先至可以透過唔同嘅方法檢驗出病毒/病菌。以下就係一啲常見性病嘅潛伏期：
生殖器疱疹（疱疹二型）：約2-5天
淋病：約1-14天
滴蟲：約4-20天
衣原體感染：約7-21天
梅毒：約9-90天
性病疣（椰菜花）：約 1-8個月，平均為3個月
只要你係進行過一次唔安全嘅性接觸之後大概3個月，做一次全面嘅性病檢查，其實已經可以檢查到全部嘅性病。
另外，如果係依段時間內再有一個高風險嘅性接觸，其實就要重新開始計算三個月，當你去檢查嘅時候，其實就只能夠反應三個月之前嘅性接觸有無令你感染性病。
最後，會傳染到性病嘅前提係對方都有性病。但係我哋都唔應該預設左對方從事性工作，就一定會有性病。相反，正正因為對方從事性工作，佢哋好多時都更加着緊自己嘅身體，一來都關乎自己身體健康，二來亦都會影響佢哋謀生。