是否會懷孕

你好呀 想請問下如果有戴套係出面磨會唔會懷孕?

我上次嚟m係2月23到27 今個月11號嘅時候有戴套係出面磨 冇插入 但係今日好似有流啡 想問下咁樣會唔會有咩事:sob::sob::sob:

而家好驚會懷孕:sob:

Hello~聽你嘅情況,意外懷孕嘅機會極低,所以唔需要太擔心:raised_hands:

首先欣賞你有戴安全套!如果完美使用安全套嘅話,有高達98%避孕率:sunglasses:而且懷孕係需要精子同卵子嘅結合,而你哋喺有戴套,而且無插入,基本上係極低懷孕風險。

而流啡情況出現喺月經週期嘅中期,其實係排卵期出血,意思係當卵巢排卵後,黃體素濃度唔足夠時,子宮內膜可能會有微量剝落,出現少量出血或者咖啡色嘅分泌物,形成「排卵期出血」。 當黃體素濃度穩定之後,出血嘅狀況就會自行停止,一般維持兩至三日,血量較少,都係正常生理現象,通常係唔需要治療亦唔會對健康構成影響。

多謝你呀 但係我而家仲係有啲擔心 因為我而家下腹有陣時會有少少悶痛 唔知會唔會關事:smiling_face_with_tear:

同埋最近嘅分泌物都變多左 成日都好擔心會有左:smiling_face_with_tear:

Hello @匿名1390 , 明白你嘅擔心,但其實戴套發生不插入式既性行為,意外懷孕既機會真係好低。你幾時嚟M? 分泌物變多,下腹悶痛都有機會係就快嚟M既症狀。如果經期遲左,又好擔心既話,都可以考慮驗孕,咁我諗你都會安心啲。係性行為7日後驗只會得到初步結果,11日或以後驗出黎既先較為準確。

Hello 多謝你嘅回覆 我係前日嘅時候有試過驗孕 check到係陰性 不過唔係用晨尿 唔知會唔會影響到嗰結果:smiling_face_with_tear:

其實自行驗孕唔一定要用晨尿,除非說明書中有要求,只要依據說明書既驗孕程序正確咁跟著做,正確使用驗孕棒就可以有正確結果,而你既結果係陰性,如果係係性行為後11日進行,結果已經係好準確同可靠。如果未足11日,可以係11日後再次驗孕,結果係陰性就唔需要再擔心。