服用事後丸後分泌物異常

小編你哋好,我之前因為進行性接觸個時個套甩左一半,雖然男方當時冇射精但都係好擔心就去左家計會服食事後丸。食完之後個幾日嘅分泌物都係豆渣狀咁(第一次係咁),但係陰部又冇痕癢,想問關無關食事後丸事?

另外其實我分泌物有問題之前三個月倒陰部成日都會痕癢,但通常隔幾日至一星期就冇事。但自從個次有過分泌物問題,我下面痕癢嘅問題一但出現就比以往較為嚴重,有次試過又痕又腫甚至有d刺痛:cry:。宜家嘅分泌物就有d蛋清混合少少白色gel得黎又杰杰地嘅渣渣,時不時就痕/刺痛。我係咩問題?同埋我可以去邊度睇醫生?:smiling_face_with_tear:感謝:pray:t3::pray:t3::pray:t3:

你好,分泌物有豆腐渣好大機會係有念珠菌感染,念珠菌係本身陰道入面正常會有嘅菌嚟,但係一旦陰道入面嘅壞菌多過益菌,念珠菌就會增生,令到出現陰部痕癢、豆腐渣狀分泌物等症狀。

呢個情況下可以去睇醫生,去家計會或者普通私家診所都可以~ 呢個感染好常見,同事後丸或性行為冇必然關係,所以去睇家庭醫生都唔尷尬㗎:)

同埋溫馨提示,念珠菌感染係好易復發嘅,免疫力一降低就會復發,所以可以嘗試改變生活習慣,避免再次感染:

• 不陰道灌洗
• 經常清洗、更換內褲
• 選擇棉質內褲,避免穿緊身褲
• 作息規律、不熬夜
• 改變飲食習慣,少吃甜食、飲料
• 避免熬夜晚睡,提升免疫力

希望以上回覆幫到你;)