食避孕藥，想延遲月經

SEX:: 有關性的
1

你好，我一直食避孕藥大概已經有一年半。
24粒+4粒，每次都係白色最後一粒時嚟M。

今日3月17號，聽日18號應該是白色最後一粒，亦都係月經嘅第一天。19號係開新嘅一排避孕藥嘅日子。

由於5月13-17號需要去旅行，對一對月曆5月13號係五月月經嘅第一天，所以我想延遲五日直到5月18號才來經。

  1. 請問我三到四月應該點樣食避孕藥去延經？
    請問係唔係3月19號照常服用，而4月16號亦照常開新一排食，但係食完24粒後（應該係5月9號）就 唔好食白色，直接開新一排直到15號先唔食？咁樣18號就會嚟M?

  2. 如果按上述說法食避孕藥的話，請問五月13到17號期間性行為的話需要額外做其他避孕措施嗎？

謝謝

2

係啊，4月16號照常開新一排食，係食完24粒後就 唔好食白色，直接開新一排食到15號，再食番白色先至會離m，之後照食番有藥效嘅藥就得。呢種食法唔會影響藥效，無需另外做避孕，除非你漏食。

3

明白晒，唔該晒~

另外想追加問多一條問題，就係長期食避孕藥呢係咪會令到月經量減少？

4

Hello, 服食避孕藥之後，月經量都會慢慢減少，但唔影響佢嘅避孕功效嘅。如果食完避孕藥反而增加咗血量就會係需要憂慮嘅情況，因為佢理應會減少或不變，而唔應該會增加咗。