漏食事前避孕藥

你好啊,我22/3既00:23發現自己唔記得左食21/3個粒避孕藥,平時都係00:00食,20/3係00:05食。22號發現嗰陣已經即刻食返兩粒,但係其實都勉強過左24小時,今日有做 冇帶套,但係冇內射,會唔會有影響?唔記得食藥個日係第20日食藥(食梗YAZ),今日23/3都有準時食藥,想問會唔會有任何影響?唔該曬!!

你好~ 理論上如果漏服咗,係要盡快補食嘅(即使要一次過食兩粒),所以你盡快補食咗係做得好啱嘅!不過因為始終漏食時間比較耐,荷爾蒙水平可能會有所浮動,所以理應補食起嘅7日內係要使用額外嘅安全措施㗎!

你呢一次嘅性行為係有一定嘅風險嘅,因為即使冇內射,陰莖喺勃起期間所分泌嘅尿道球腺液都可能會含有精液~

見到你今日已經食緊第22粒有藥性嘅藥,理論上食到白色藥丸嘅時候就會嚟月經,如果到時都有同以前服藥期間相似嘅月經嚟到,咁就係冇事嘅~ 但係如果食白色藥丸期間都冇嚟月經,就建議你進行驗孕喇~ 一般嚟講喺性行為後7日驗孕可以獲得初步結果,11日就有準確結果~

希望以上回覆幫到你~

你好啊,今日係停藥既第三日,期間有流少少血,今朝有流啡,想問停藥四日之後係咪都繼續食藥,定係應該驗孕先,依家好擔心:smiling_face_with_tear:

Hello你好啊
想了解多少少你食梗嘅藥,見到食梗Yaz, Yaz係28粒裝嘅避孕藥,由21粒有藥性嘅藥加4粒無藥性嘅藥組成,所以照道理就無停藥期嘅。

見到都好擔心岀血情況,都建議可以睇醫生,了解清楚身體狀況。另外,如果依加係食梗無藥性嘅藥,可以跟翻本身嘅schedule食藥,見到都有岀血嘅情況岀現,都係食無藥性藥丸嘅正常現象,加上上星期有漏食同補食嘅情況,所以都有可能影響到荷爾蒙水平,導致岀血情況有變化。如果好擔心懷孕嘅話,正如上面同事所講,喺性行為後7日驗孕可以獲得初步結果,11日就有準確結果,而食避孕藥唔會影響到驗孕結果嘅。

啱啱用驗孕棒check左,係陰性,想問會唔會要再check第二次?唔該曬你:pray:t2::pray:t2::pray:t2:

Hello~
見到上一次性行為喺3月23號發生,距離而家只有六日,正如上面所講,喺性行為後7日驗孕可以獲得初步結果,11日就有準確結果,如果擔心嘅話,可以聽日再驗一次,結果會比較準確:wink: