尋日同另一半發生關係

自己本身多囊,開始睇緊中醫
想經期有規律來,尋日本來開始想發生性關係
但冇奈去到摸到濕咗就停咗,就冇搞落去
因為男方冇預備避孕套,想唔帶套搞
唔想懷孕,可以點

Hello @Waiwai1 , 係好多親密關系入面,好多人都會覺得好難開口去拒絕伴侶既要求,但大家既關系係平等,你有權力去拒絕,無需答應曬對方所有既要求,而對方都應該要學識尊重你既決定。如果你唔想懷孕,唔接受無套既性行為,可以考慮同伴侶傾下。係溝通既時候都可以向伴侶表達番,唔想發生無套性行為唔代表你唔愛佢,只係你未預備好,唔想承受懷孕既風險。

但聽朋友講都會拎出來射,真係控制唔到先內射

可能係大家結咗婚都唔需要用套,會同佢傾唔射裏面,拎出來射

正如同事上面所講,一段關係中決定點樣發生性行為、用唔用安全套等,都係需要互相商量同尊重。無論呢段關係係已經結咗婚定係未結婚都好,都係需要互相尊重。

當然用唔用安全套係你自己個人嘅選擇,但都想提一提你,以避孕為主要目的嘅大前提下,體外射精並唔係一個理想同有效嘅避孕方法。

因為男士喺射精前及性興奮期間已經會有啲分泌物,而呢啲分泌物係已經含有少量嘅精子。所以進行無套性行為時,就算冇射精都好,其實已經有一定風險會導致意外懷孕。所以當你決定要唔要無套性行為,都記得要考慮埋呢個情況~

謝謝,朋友叫我食避孕藥,但食完會好肥
所以唔想食

Hello, 食避孕藥會聽到可能有唔同副作用,包括你提到嘅食避孕藥會肥,係好多年之前初代嗰啲避孕藥可能都會有食藥初期水腫嘅副作用,而令人覺得似變肥咗,但經過多年嘅研究同改良,一般來講而家大部分市面上嘅避孕藥都冇咗呢種副作用,亦都冇證據顯示係會導致肥胖。

其實現時嘅避孕藥會出現嚴重副作用嘅情況已經好少見,因為市面上嘅避孕藥都係非常安全。不過都建議服用前諮詢醫生意見,等醫生評估你嘅體質/生活習慣,係咪適合服用避孕藥,或者適合服用邊一個牌子/款式嘅避孕藥。

長期食藥都唔係咁好,要食真係一早食咗
介仲可以調經