月經遲嚟…

一直食開優X事前避孕藥,喺3月16號早上食完第24粒(最後一粒活性)避孕藥後,同另一半喺3月17號早上進行一次無套外射性行為:melting_face:而餘下4粒非活性就冇食,其實本身決定咗永久停食避孕藥,所以16號之後到依家都冇食任何藥物了…

本身預計會喺19-21號呢幾日嚟M,但最後到今日26號晚都仲未嚟。期間25號晚同26號晚都曾經試過用驗孕棒,但check咗都係陰性。

想問懷孕機會大唔大?

Hello 如果係咁嘅話,懷孕機會都唔大。

因為本身你已經有食開避孕藥,而且你已經食晒呢個周期所有嘅活性避孕藥,剩低嗰啲都係冇藥性嘅,所以冇食嘅話並唔會影響避孕功效。所以都唔需要太擔心自己會懷孕。

如果擔心嘅話,可以再驗孕,只要喺性行為發生之後11日驗孕得到嘅結果都會係準確㗎啦。如果你係17號發生性行為嘅話,你聽朝起身去買驗孕棒,再去驗孕,相信結果都已經係準確。

詳細嘅話,我見同事喺另一個post都覆咗你,可以去返嗰邊睇都得。