有問題想問

幾個月前
係街市 同屋企人買餸
因為個街市都迫迫地
突然有個女人 有袋野 吉到我Pat Pat一下 痛左一下
當時冇諗咁多、 望左一下個女人就走左 、冇睇清楚佢用咩吉到我。果陣只係諗個女人 會唔會係d魚/ 蝦尖既野唔小心 吉左我一下

呢排可能壓力大, 冇啦啦諗起有關疾病既野 令我諗返果次 個女人係用咩吉左我一下、 會唔會咩hiv針筒呀之類、可能我自己壓力大以諗多左。
純粹想知係米機率好低? 係米我壓力太大了?

其實呢幾個月 除左中左*肺炎, 又冇乜唔舒服 。 只係最近煩緊其他皮膚問題、 唔關hiv 針筒事

可能諗野負面冇啦啦諗自己前幾個月 仲發生左d乜呀或者上網睇埋負面疾病新聞。

Hello~ 共用針筒的確有機會傳染HIV,不過愛滋病病毒暴露喺空氣中好快就會死亡,所以如果好似你所講嘅情況,咁受感染嘅機會就唔大嘅~

如果你真係好擔心,可以喺被吉到嘅三個月後去做一次快速測試~ 因為HIV嘅空窗期係三個月,空窗期嘅意思係體内嘅抗體水平要幾耐先達至可檢測水平。所以如果已經夠三個月嘅話,做一次快速測試就可以安心喇~

你可以去社會衛生科預約做測試,資料如下:

男性診所:衞生署-診所及健康中心一覽表-提供社會衞生科(男性)服務的診所

女性診所:衞生署-診所及健康中心一覽表-提供社會衞生科(女性)服務的診所

其實係街市係米好大機會都係魚 蝦 吉到 ?
唔知常唔常聽到呢d事發生
因為我都唔想自己嚇自己:smiling_face_with_tear:

因為聽人講街市比海鮮吉到機會都大
我想問 食肉菌果d 係米唔會咁耐?
同埋以我講既情況針筒算唔算好低機會
而海鮮比較大機會?

Hello, 理解你感到擔憂同焦慮嘅。係街市被魚、蝦或其他海鮮刺傷嘅情況較常見嘅。至於真係食肉菌感染佢嘅毒素會係24小時內擴散引發一啲症狀:身體痛 / 攰、發燒或發冷、受感染的皮膚潰瘍等等。如果仍然感到擔心,可以考慮睇醫生,讓自己安心啲。

因為件事都己經過左2個幾至3個月或以上, 日子唔太記得:
只係呢排情緒唔穩定而亂諗野
我己經用Doctoreyes hiv 快測測左了,呢個牌子係米都ok?
陰性冇事了, 咁我係米唔好再懷疑被街市針筒吉到了?

Hello 基本上只要你喺大型連鎖個人護理商店或者信譽可靠嘅藥房買嘅話,咁個快測結果都係可靠嘅。

如果都已經隔咗3個月以上咁耐,而係3個月後有做過快測測過,而驗到係陰性嘅話,就真係唔使太擔心啦。

希望可以舒緩到你嘅緊張情緒啦
:smiling_face: :smiling_face: