而家有啲焦慮

Hello 我係3月11號嘅時候有發生過性行為 係有戴套係出面磨 冇插入 但係到而家仲未嚟m​:smiling_face_with_tear: 我上次嚟m係23到27號 係25號嘅時候有用驗孕棒驗過係negative 不過唔係用晨尿 好驚會唔準:smiling_face_with_tear: 而家成日都驚會有左:sob::sob:

Hello @匿名1394 , 明白你嘅擔心,但其實戴套發生不插入式既性行為,意外懷孕既機會真係好低。係性行為11日後驗既結果都已經好可靠,所以唔駛擔心。同埋都有好多其他因素會影響到經期,例如服食其他藥物、飲食及睡眠習慣、情緒壓力等都有機會影響到,你會唔會諗到有其他既可能性?

Hello 因為上次唔係用晨尿去測有少少驚 所以我琴日用晨尿測咗係negative (用電子驗孕嗰隻)成日都覺得要嚟m但係都係未嚟:smiling_face_with_tear: 呢種感覺已經持續咗兩個禮拜:smiling_face_with_tear:

Hello你好啊

建議使用晨尿驗孕嘅講法係因為驗孕棒係透過檢驗尿液中嘅人絨毛膜促性腺激素 (hCG) 水平黎驗出有冇懷孕,而因為晨尿較濃縮,內含嘅hCG較多,所以就比較易驗出結果。但因為每款驗孕棒喺操作上都唔一樣,所以其實要唔要使用晨尿,最準確都係睇返嗰款驗孕棒嘅說明書。不過如果有懷孕嘅話,體內嘅hCG值係會keep住增加嘅,所以就算唔用晨尿都係準確嘅。

而性行為11日後驗孕,個結果係最準確嘅,所以可以確定冇懷孕。

正如上面同事所講,好多唔同嘅原因都會影響經期嘅,例如荷爾蒙失調、生活作息、飲食習慣、服用藥物、情緒壓力等,唔一定係懷孕㗎。一般月經週期21~35天或長達42天都係可接受既,所以唔需要太擔心住。如果月經遲咗3個星期或以上,可以睇醫生,檢查身體嘅狀況。