安全套問題

想問下為什麼戴了安全套也不是100%避孕,如果冇穿冇帶反也會有機會懷孕嗎,以及想知道如何檢查安全套有冇帶反同埋穿

Hello, 通常安全套係正確同全程使用嘅情況下能夠提供極高嘅避孕及預防性病效果,但世事係無咁完美嘅,除左你提到嘅套套穿左、掉轉正反面戴會令到安全套「唔安全」之外仲有呢啲原因導致安全套失效:無將儲精囊內嘅空氣擠出、無戴到最底、唔係整個性交過程都戴住、潤滑度不足摩擦太強磨穿、用咗唔啱嘅尺寸、無保存好、過咗期。

如果想檢查安全套有冇破裂,最緊要係睇睇灌水之後有冇漏水嘅情況,如果佢能夠變成一個水球,過程中你都冇見到漏水/滴水/水柱,咁佢就係喺灌水前未有破裂架喇。

要避免安全套穿嘅情況,選擇尺寸合適嘅安全套,適當保存,建議係性行為嘅過程中配合潤滑劑使用(注意油性潤滑劑係唔可以同安全套同時使用,因為油性潤滑劑會侵害乳膠安全套嘅物料),一方面可以減低性行為時因為摩擦而帶來嘅疼痛感,另一方面都可以避免因為摩擦太過強烈而令安全套有機會破裂嘅機會。

分辦正反面可以參考下面嘅ig post:
https://www.instagram.com/p/B4EX0FVFLUf/?igshid=YmMyMTA2M2Y%3D&img_index=3