有少少疑問

今日同男朋友搞嘢,咁12號要嚟m,有帶套,全程冇鬆,灌水冇穿,上個禮拜都有用手幫大家,不過冇插入,但今朝起身個肚好痛,之後肚屙,啱啱都有肚痛,不過痛咗一陣而家又冇事,今朝係成個肚痛,啱啱係下腹痛,想問會唔會有可能係懷孕受精卵著床?但上個禮拜只係用手,冇放過入去,同埋佢係射喺手度,依家有少少擔心會唔會係佢摸過自己之後再摸我入面帶咗啲精子入去?同埋今日帶套,個套灌水冇穿,全程冇鬆,係咪可以放心?

因為我個人比較容易緊張所以驚,之前就試過緊張得滯 遲咗成個禮拜嚟m

補充多一樣資料:做嗰陣有出血

Hello 如果係咁嘅話,就唔需要太擔心會懷孕,可以放心啲! :heart_hands:

首先,你哋好好呀,有用安全套,亦都有做灌水測試有冇穿,所以就應該唔會有精子同陰道接觸,就唔需要太擔心係有懷孕。至於上次發生性行為只係用手嘅話,就唔會導致懷孕嘅。就算可能隻手接觸到都好,基本上精子喺空氣之中好快就會死亡,所以如果唔係直接接觸陰道嘅話,都唔需要太擔心。

至於肚痛嘅話,就可能係其他原因啦。例如可能係食錯嘢,都可能會導致肚痛肚痾。或者就係差唔多要嚟M,所以有嘅經前症狀。

你提到做嗰陣有出血,有機會係你哋做嗰陣太激烈,或者潤滑不足,而唔小心導致陰道出血。可能未來呢幾日都仲會間唔中發現有少少出血,但係只要你呢個星期都唔好發生插入式性行為,咁正常情況下幾日至一個星期內就應該會好返㗎啦。

希望解答到你嘅問題,咁就唔使咁緊張咁驚啦 :smiling_face:

唔好意思啊,我想問如果係戴套之前摸左陰莖,戴套後用潤滑油摸陰道,係咪同上面性質一樣?都唔需要擔心?

Hello~

正如上面同事所講,即使隻手接觸到精液,精子喺空氣之中好快就會死亡,所以懷孕風險係好低嘅。

如果都對懷孕感到好擔心,可以考慮驗孕啊,相信望到驗孕結果都會令的放心啲,你可以喺性行為嘅7日之後驗一次,咁就會有初步結果;喺性行為嘅11日或之後再次驗孕,就可以得到更準確嘅結果。因為hCG嘅分泌會隨著懷孕嘅日子增加。所以你於愈後嘅日子驗孕,就會因為體內嘅hCG會愈多,而愈容易得到準確嘅驗孕結果 。