想問下家計會賣嗰個Alpha+ Sterile Lubricating Jelly 潤滑劑可唔可以用於口交 因為冇見佢寫食用
另外就係如果男朋友諗住買condom 但上網見到家計會嗰個冇size揀 咁會唔會影響咗個效果
唔該晒
Hello~關於潤滑劑，雖然Alpha+ Sterile Lubricating Jelly標榜無菌同埋係水性，但如果想用於口交，最好都係選用有標明「可食用」嘅潤滑劑
至於condom，因爲歐美/香港多數用「寬度」計算，即係量度充血的陰莖根部的圓周，將圓周除二即等於寬度；而日本牌子多數用「直徑」計算，即係量度充血的陰莖根部的圓周，再除以3.14，便是陰莖直徑。而我上家計會嘅網站，我見佢賣嘅杜蕾斯超薄裝有寫闊度係52.5mm如果想睇下買condom有咩需要注意，可以睇吓我哋個post：
https://www.instagram.com/p/CNmt0RpDzpy/?img_index=1
咦
我見佢個成分有glycerine PEG 係咪即係甘油？
甘油好似對陰道唔好？
咁係咪即係唔可以用於插入陰道嘅情況？
如果用喺陰莖又得唔得
唔該晒
但我見水性通常都有甘油（例如K-Y）？
油性又唔適合
即係一定只能夠買矽性?
我上網查
見到佢話甘油會令龜頭/陰莖皮膚乾燥/發炎
即係家計會嗰個jelly其實唔係咁適合用於性行為？
定係純粹全部都係我自己太緊張擔心諗多咗
Hello, 多謝你嘅提問呀，逐個回應你啦~
Q: 見佢(Alpha+ Sterile Lubricating Jelly)個成分有glycerine PEG 係咪即係甘油？
A: 係嘅，你睇到嘅 “glycerine PEG” 其實係指甘油(glycerin)同聚乙二醇(polyethylene glycol)嘅組合。甘油係一種常用嘅潤滑劑成分，而聚乙二醇(PEG)通常用作增加潤滑劑嘅黏性同潤滑度。
Q: 甘油好似對陰道唔好？
A: 甘油對大部分人嚟講係安全嘅，但都有人可能會對甘油或者潤滑劑產生過敏反應。係陰道使用潤滑劑嘅時候，特別要留意避免使用有過敏成分嘅潤滑劑，如果陰道本身比較敏感或者反覆感染陰道炎嘅，最好揀選不含甘油嘅潤滑劑。至於甘油可能會增加陰道感染嘅風險，因為甘油係一種碳水化合物，會提供細菌同真菌生長嘅養分，而且可能影響陰道嘅ph值。不過大部分情況下，潤滑劑中嘅甘油濃度唔會引起感染或其他健康問題嘅。
Q: 咁(甘油)係咪即係唔可以用於插入陰道嘅情況？
A: 甘油通常可以用於陰道潤滑劑中，增加潤滑度同改善性交嘅舒適度。陰道潤滑劑中嘅甘油係安全嘅，通常唔會引起問題。不過，都有人可能對甘油或潤滑劑成分過敏，所以係使用任何新嘅潤滑劑之前，最好進行皮膚測試或者係小面積皮膚上進行測試。如果你對使用陰道潤滑劑仍然感到擔憂，或者如果係有任何陰道健康問題，最好咨詢你嘅醫生~
Q: 如果(甘油)用喺陰莖又得唔得？
A: 甘油可以用作陰莖潤滑劑同埋係安全嘅，而且可以提高性交嘅舒適度。不過要注意，同上面提及嘅一樣有人可能對甘油或者潤滑劑成分敏感或過敏。所以都係建議先做皮膚測試再使用或者咨詢醫生嘅。
Q: 見水性通常都有甘油（例如K-Y）？
A: 部分水性潤滑劑會包含甘油，其中包括你提及嘅品牌 K-Y Jelly。而常見嘅水性潤滑劑嘅牌子有：杜蕾斯、Viamax、Pjur、Sliquid、Hathor Aphrodisia、Lelo等等。當中都有不包含甘油嘅潤滑劑。係水性、矽性同油性潤滑劑，仍然建議使用水性潤滑劑因為適合配合任何安全套使用，亦可用於任何人成玩具質料，由於容易被皮膚吸收，所以需要係性行為中途補充嘅。
Q: 即係一定只能夠買矽性?
A: 矽性潤滑劑係一項選擇，唔一定淨係用佢。矽性潤滑劑主要成分係矽靈，不含水分，唔容易揮發，所以持久度高係佢嘅特點，而且可以喺水中使用，所以鴛鴦戲水係最佳選擇。矽性潤滑劑適合用係陰道性交、安全套、肛交、非矽膠性玩具。
不過都有缺點，難清洗，矽性潤滑劑不含水分，用水清洗後都會感到黏滑，需要用多啲清潔用品清洗。另外，矽與矽之間會發生化學作用，令矽膠性玩具嘅矽膠表層被侵蝕、出現微小的孔洞。雖然肉眼睇唔到侵蝕嘅程度，不過細菌會係孔洞滋生，就會影響到陰部嘅健康。
Q: 見到甘油會令龜頭/陰莖皮膚乾燥/發炎,即係家計會嗰個jelly其實唔係咁適合用於性行為？
A: 一般嚟講，潤滑劑中嘅甘油濃度唔會引起感染或其他健康問題嘅。如果甘油對自己或伴侶皮膚造成不適有敏感或過敏反應，咁就唔適合用於性行為，最好避免使用尼種潤滑劑，應該尋找其他不含甘油嘅潤滑劑，以確保性行為嘅舒適同安全。
唔該晒你啊
另外仲有一樣嘢好奇想問下學多樣新嘢
就係潤滑劑會唔會影響懷孕機率
雖然呢個係將來嘅事
Thank you
Hello 呢個就要好小心咁睇啦
潤滑劑係有機會會影響到懷孕機率嘅，影響到精子進入，而水性潤滑劑係影響最大嘅。
但係！千祈唔好，因為咁而唔用安全措施。如果因為咁諗而唔用安全措施，諗住單純用咗潤滑劑，就可以降低懷孕機率嘅話，就太過唔安全啦。因為即使佢可能會影響到懷孕成功率，但係影響程度未至於屬於一種可靠嘅避孕方法。
不過，如果係有打算懷孕，而又想用潤滑劑嘅話，市面上都有一啲助孕潤滑劑或者孕前潤滑劑，呢啲特別為想懷孕嘅人而做嘅潤滑劑，一般都已經經過實驗同研究，會有良好嘅滲透性，亦都對精子做成干擾或者損傷減低。
希望幫到你～～