一月中同女朋友分咗手，嗰陣時有唔安全嘅性行為，之後今個月先知道佢之前嘅男朋友有嫖妓嘅習慣因為好擔心自己中HIV,所以尋日就買咗雅培嘅HIV快測，檢查出嚟之後C線同T線都有出現，但係T線就好模糊，一攤嘢咁，唔肯定係咪我嘅操作失誤加咗好多緩沖液落去，之後就立即上網book咗去驗，尋晚一路都好驚，瞓唔到覺，又食唔到嘢，有時仲會流眼淚，之後今日去完醫生度驗完之後再買咗Doctoreyes既快測，出到嚟一條線，而家就陷入咗一個好焦慮嘅情景，因為醫生又未咁快有結果，成日個狀態都專注唔到，心跳又好快，無胃口，個人成日都有驚嘅震。因為又確認唔到快測嘅結果係正確或唔正確。
另外兩次快測嘅分別就係，一次用咗左手一次用咗右手
Hello~聽到你都好擔心，喺講解HIV快測之前，都希望你可以好好照顧自己情緒
留意到你而家都好焦慮
關於HIV快測，如果用血液測試嘅話，只需要一滴嘅緩衝液就已經好足夠，當然每個牌子可能都有少少唔同，最好都係參考返當中嘅説明書
如果喺搵醫生做檢測，好多時會直接測病毒數量，準確率會比檢驗抗原/抗體嘅快測高。
而假如真係受感染嘅話，其實而家都有藥物可以幫助控制病情，只需要每日定時服用，就可以同非感染者一樣生活，所以都唔需要太擔心~~
如果想了解多少少關於愛滋病病毒，都可以睇吓我哋嘅post
https://www.instagram.com/p/C2wsTRPS5EA/?img_index=1
我岩岩買多個雅培HIV Test試多次，結果係一條線negative。但係因為我同上次吾同，上次用左手，今次就用右手。左右手唔同會唔會影響結果？同埋今次就跟住說明書咁加一滴血同一滴緩衝劑。因為上次個結果令到我而家仲好耿耿於懷，個腦會係咁諗會唔會因為用咗唔同手或者唔同時間檢查先令到negative。
又係度諗， 會唔會條線我自己睇吾到，有時又好似有幻覺睇到有。
我用眼睇就硬係覺得T嗰度好似有一條好透明嘅線喺度，但係我攞電話相機影放大嚟睇又睇唔到，真係搞唔清楚係心理作用定係真係有
而家又喺度諗，我距離上次危險性行為已經86日，會唔會因為抗體未夠所以檢測得好微或者睇唔到？
又或者因為已經過咗80日，理論上應該有足夠嘅抗體，如果驗到嘅話應該好深色
想快可以比錢去德立驗血
即日有報告
今日已經去咗嘉偉男士健康中心驗，但係聽日禮拜日又未有報告睇，個心一路都好驚慌
我諗你應該冇事既， check 左兩次都陰性 ，同埋都3個月 應該好清楚驗到，
可能第一次失效。
多謝你先！比到support我！依家成日緊張到心跳加速，透吾到氣，聽到你咁講，心舒服左少少！多謝你
而且80日前，我只係冇套口交，上網睇好似話經過口交易感染嘅機率係微乎其微，而對上一次嘅危險性交已經係280日前
如果咁樣諗，假設真係感染咗嘅話，抗體數量應該好多，如果驗到應該係好深色，唔知可唔可以咁諗 唯有咁樣諗令自己舒服啲，因為仲未都未等到醫生嘅報告
口交機會好微
如果2百幾日 咁耐 應該都係第一次失效
要跟足說明書時間/指示為準