事前避孕藥一問

Hi~想問下食左避孕藥一個鐘後肚屙左兩次 洗唔洗補食? 已經食左三個月 應該唔關隻藥事 純粹食錯野

如果要補食, 咁成個期咪會少左一粒? 定係要開新一盒,到最後果日開新一排第一粒食?

Ps.食21粒果隻

Hello @Aquaqa , 需唔需要補食好視乎你嘅肚屙會唔會影響藥效,慎重起見可能補食會穩陣啲。你可以開一盒新專係用黎補食,咁就唔會打亂你本身個盒,而且補食後亦建議儘快諮詢醫生嘅意見。 不過建議先閱讀避孕藥說明書嘅指引,有無特別指明服藥後肚屙的話,咩情況下需要補食藥。如果有的話,可以跟番依照說明書嘅指引處理 :relaxed:

如果說明書指引,表示呢個情況都需要補食藥,而剛才肚屙嘅情況唔係太激烈,依家身體情況都並無大礙的話,可以選擇依家補食番粒藥。不過如果依家呢一刻都唔太肯定,一陣會唔會再屙,咁建議睇番盒內說明書,最遲幾多個小時內需要補食。例如如果說明書表示最遲12小時內補食,就可能依家早一點休息,聽朝設定鬧鐘起身。到時睇下身體狀況如何,如果已經再無舒服,就可以補食番粒藥,以及未來7日內需額外使用阻隔式避孕工具(例如安全套)。

不過如果聽朝依然係好唔舒服,就建議唔好補食藥住,盡快去睇睇醫生,了解身體嘅狀況先 。因為有部分藥物未必適合與避孕藥同時服用,睇醫生嘅過程中,記得同醫生講番服用避孕藥嘅情況(例如服用邊一個牌子及款式的避孕藥,服用左幾耐等),睇下醫生嘅建議係如何 :relaxed: