食避孕藥8個月 第一次早12日黎m

食左避孕藥8個月 每次都會係24-26日黎m 但係今次早左12日黎m
對上一次黎m淨係黎左4日 有冇機會係末黎清?

啱啱發現係深啡色嘅血,而家仲有m痛

請問會唔會避孕失敗?

同埋想問係咪keep住食淨低嘅藥就ok??

Hello~避孕藥係通過控制體內荷爾蒙,抑制排卵,不過荷爾蒙水平仍然會受壓力、藥物、作息、生活轉變等等原因而浮動,導致經期提早或延遲。想問你最近生活上有無啲咩轉變?

而你而家喺月經週期嘅中段流啡,有機會係排卵期出血,想問你有無定時食避孕藥?無論答案有定無,我都建議你繼續食埋剩餘嘅藥,以確保體內仲有足夠嘅避孕藥物濃度。

如果係有定時服用避孕藥,避孕成功率係高達99.7%,所以都唔使太擔心:raised_hands:t2:但如果你擔心避孕失敗,都可以喺最後一次性行為後7日做一次驗孕測試,獲取初步結果,再喺第11日驗多次,獲得較準確嘅結果。

當然如果你都係好擔心或情緒持續好耐,都建議你諮詢醫生嘅專業意見:+1:t2:可以問問醫生而家牌子適唔適合你,或者仲有無啲副作用未消除,可以點處理~

當然如果想提高避孕機率,都會建議除咗食避孕藥,同時都佩戴安全套,咁就安全得多:raised_hands:t2::raised_hands:t2:

你好,基本上我都準時食藥,最多都係遲兩小時或者早1小時食藥 冇試過超過12小時或者二十四小時食。
今次流出啡色嘅血,伴隨着M痛,有冇機會係提早嚟M ?因為對上一次嚟M日子只有四日,有冇機會係未嚟清?已經食咗yaz 28日裝連續八個月,最多都係喺20日又或者26日嚟,但係未試過早咁多。排卵性出血會唔會出現喺食咗避孕藥之後?因為食咗避孕藥正常都唔會排卵?

今朝起身血量少,而且啲血都係深色,亦都冇咗嚟M嘅痛楚。基本上護墊都裝得晒,有冇機會其實係未嚟清?

啱啱發現血量又比琴日多,血嘅顏色比之前嚟M深色,要轉返M巾,想問呢啲係咪叫嚟M

Hello @Justcall , 唔駛咁擔心,一般如果無漏食,避孕藥嘅效果係可以高達99%。就咁睇真係無懷孕嘅風險,而排卵性出血亦係自然嘅生理現象,如果你無特別唔舒服嘅話其實無需擔心。

依上面同事所講,其實嚟M有時早左或遲左並唔罕見,有好多其他因素會影響到經期,例如服食其他藥物、飲食及睡眠習慣、情緒壓力等都有機會影響到,你會唔會諗到有其他既可能性?

早星期有痰咳,都冇食藥,仲有上個月黎m得4曰,除此外都冇乜特別,而家血量都多

今朝嘅血量都多
留喺M巾嘅顏色好深 有少少深黑色
但係用紙巾抹就係鮮紅色

因為正如同事上面所講,如果你有正確方式並準時每日食用避孕藥,咁避孕方面嘅成功率其實已經好高了。所以如果都仲係好擔心意外懷孕嘅,咁都可以再做次驗孕,以求安心。

不過其實除咗擔心懷孕,你係未都仲有其他嘅擔憂?如果係婦科病相關方面,可能最好嘅方法都係求診並咨詢醫生意見。

不過我好奇嘅係下一次嚟M日子究竟會係避孕藥嘅白色嗰段時間黎,定係會延遲?

Hello, yaz避孕藥有4粒白色藥丸係非活性藥丸即係無人造荷爾蒙成份嘅,一般嚟講食到白色藥丸期間你體內嘅荷爾蒙水平會下降,子宮內膜會因此脫落,然後就會引起月經來潮。不過都可能會發生月經遲嚟嘅情況,尼個情況係常見嘅。月經遲嚟可能受到多種因素影響嘅,包括壓力、生病、生活習慣改變等等,所以唔使太擔心,但如果尼種情況持續發生,最好諮詢醫生的建議。