我上一次經期係4/4-10/4，血量好少，只需用到護墊，跟住16/4自慰過(只係用手指磨擦，並冇插入)之後17/4有啡色出血，應該係因為自慰過導致排卵期出血，因為係啡色同埋帶透明分泌物+只有好少血，所以應該都係排卵期出血。之後今日上晝又自慰過，啱啱去廁所發現突然間變到成張紙巾都係血(帶有少少紅色嘅啡)完全唔知咩事，因為冇可能係突然嚟M，之前自慰排卵期出血都冇試過突然之間變到成張紙巾之間都有。有少少驚
同埋我排卵期出血基本上由二月開始每個月都有，之前一直都冇試過每個月都有，甚至暑假嘅時候我作息更加不定時，一日只食一餐，都冇試過經期混亂同排卵期出血，都唔知而家點算好
Hello~ 月經有可能因為生活作息轉變、壓力、服藥等唔同原因，導致經期不穩，想問你生活上最近有無咩大轉變啊？同埋你嘅月經係咪不嬲都係「血量好少，只需用到護墊」？因為通常月經嘅血量會係多於護墊應付到嘅量，而流啡就會係護墊應付到嘅量，所以如果喺2月前嘅月經血量明顯多好多，咁你4/4-10/4 嘅出血有機會唔係月經呢～
另外都講解返，排卵期出血係因為排卵後，體內黃體素濃度不足夠，所以子宮內膜可能會輕微剝落，導致少量流血或流啡，係屬於正常生理狀況，亦未必每月都會出現，而唔係同自慰有關，所以呢個部份唔需要太擔心。
我月經並唔係一向都好少，3月或之前嘅經血量都多，唔可以用護墊，但係4月頭嗰次就好少，不過都係7日完，然後17號又開始流啡，琴日下晝多咗，不過琴晚又少返，依家都係，我由2月開始每個月都有呢個情況，但明明我作息時間都比之前7-8月早，反而7-8月冇出現過
Hello @123r , 正如上面同事所講，月經有可能因為唔同既原因而變化，始終我地唔係專業既醫護人員，就咁聽你講唔係好判斷到點解你突然經期紊亂。如果你覺得身體唔舒服，都建議你去睇醫生，尋求番專業既意見。
已經流咗成個星期啡(差唔多10日)，中間有1-2日係稍微多少少血，偏紅色，依家就keep住流量一樣，護墊上係啡，去廁所抹嘅時候就係啡紅色，身體都冇任何不適，唔知點好
上年都試過有同樣情況，都係一樣流咗差唔多成個月，不過後尾就正常返，之後而家情況好似同嗰次差唔多
其實如果你唔係第一次發生同類情況，真係最好去睇醫生，接受檢查，因為身體無任何不適唔等於無健康問題，好多時一啲慢性疾病，如癌症都唔好係早期有明顯不適，而持續經期紊亂都係不尋常的，建議你要盡快睇醫生。
係咪去普通嘅診所睇都得？
可先睇家庭醫生，如果有睇開既婦科醫生都可以直接約