求解答食事前避孕藥出血

你好呀,唔好意思啊想徵求大家解答
我已經食呢隻牌子事前避孕丸已經有三個月
其實食避孕藥係total四個月
開頭第一個月係第二隻藥因為副作用好大
所以就由第二個月開始就轉第二隻藥
但係食咗呢隻藥之後冇乜副作用冇咩唔舒服
Keep住睇家計會都冇咩問題
而家啱啱開咗藥兩日因為我係逢星期四開藥
咁我嘅經期就21-25/4 之前嘅日子都係差唔多係一停左藥嘅一兩日之後就會嚟M
咁今次我見到佢第五日冇乜M嘅時候就同男朋友發生咗性行為但係冇帶套 但係已經開始左開藥所以我都冇乜點特別留意
但係就無啦啦完咗性行為之後就開始見到個護墊有一時之間有少少血
我有懷疑過係咪未黎完M但大多數食咗藥之後開始都係黎五日
所以應該冇可能今日都仲有少少血
所以就不敢懷疑係咪上一個月四月嘅嗰一批藥嘅時候我有試過一次無套內射可能有機會有咗所以就有少少內出血
所以而家擔心緊使唔使驗孕但係一停咗之後都係好準時嚟M所以又覺得呢個可能性好抵
定係我呢段期間性行為受傷?
但係我身體冇乜痛嘅感覺冇唔舒服所以就懷疑緊係咪仲嚟緊M
但係佢唔係keep住流佢係間唔中換一次護墊嘅時候先見到有血
麻煩可唔可以大家解答?
我仲要早兩日去配藥個姑娘問我有冇問題
我仲答佢一如正常而家我仲使唔使睇多次醫生?

你好:)
感受到你嘅焦慮,呢度可以先釋除你一啲疑慮先!
你有正常嚟到月經,亦有一直依照說明書指示去服用事前藥嘅話,咁懷孕嘅機會就微乎其微架喇~

至於你所講嘅輕微出血,如果係啡色嘅話,有機會係月經未排清,或者係身體未適應事前藥嘅副作用;如果係鮮紅色嘅話,就好大機會係性行為期間有受傷,但理論上去到今日應該已經止咗血。

所以如果係啡色嘅,可以唔使擔心住,如果佢持續先至睇醫生,再確認下係咪呢隻牌子嘅事前藥唔適合你;如果今日仍然有鮮紅色嘅出血,會建議你睇睇醫生,因為一啲婦科狀況係會造成異常出血架~