漏服事前避孕藥6小時 無套內射

Hello Admin ><
一直有食避孕藥,中間停咗一年再食返,依家係恢復食藥嘅第三個月(第三排 第一週)。由於去外國讀書關係有時差,醒返發現遲咗六個鐘食第二粒藥,已經即時補食,請問會影響避孕功效嗎?如果無套內射會唔會危險TT 謝謝你

你好呀,如果你一直有持續依足說明書指示,定時服用避孕藥的話,避孕藥藥效已經於身體內建立左,暫時嘅情況導致意外懷孕嘅風險係好微,無需太擔心住。而且你有係時限內補食藥,即係如果漏食,喺原本應該食藥嘅24/12小時內補食返,理論上唔影響避孕功效。現時有啲避孕藥有補食時效,例如:yaz有24小時,yasmin有12小時。
不過你啱啱再重新開始食藥,頭三個月入面係需要俾藥效係身體入面建立返嘅,所以要每日準時食藥,令藥效穩定啲。如果你仲有擔心嘅話、都可以考慮呢7日內使用返阻隔性安全措施,例如安全套等。

thankyou Coco, 我喺漏食6個鐘內有補返,但因為搵唔到美意避嘅說明書所以睇唔到時效,但理論上唔影響避孕功效對嗎?謝謝

我見到說明書有寫“如果食藥延遲不超過12小時,避孕效果不受影響“,即是超過12小時先需要額外補兩粒同埋加額外性行為保護措施對嗎?~

對對,你宜家係12小時內就補食返,所以係安全既。